નર્મદા જિલ્લા ધોરણ 12 વિજ્ઞાન પ્રવાહ અને સામાન્ય પ્રવાહનું પરિણામ જાહેર
જેમાં ધોરણ 12વિજ્ઞાન પ્રવાહનું પરિણામ નર્મદા જિલ્લાનું ઊંચું કહી શકાય એવું 84.95 ટકા આવ્યું
ધોરણ 12સામાન્ય પ્રવાહમાં નર્મદા જિલ્લાનું ઊંચું પરિણામ 94.17% આવ્યું
ધોરણ 12 વિજ્ઞાન પ્રવાહમાં નર્મદા જિલ્લામાં રાજપીપળા ની જય અંબે ગ્રુપ ઓફ સ્કુલ મેદાન મારી ગઈ
ધોરણ 12 વિજ્ઞાન પ્રવાહમાં જય અંબે સ્કૂલની વિદ્યાર્થીની વાળંદ નિધિ 91.16 ટકા (98.22pr)સાથે
સમગ્ર જિલ્લામાં પ્રથમ આવી
વિજ્ઞાન પ્રવાહમાં ટ્યુશન વગર જિલ્લામાં પ્રથમ આવનાર જિલ્લાની પ્રથમ વિદ્યાર્થીની વાળન્દ નિધિએ નર્મદાનું ગૌરવ વધાર્યું
આગળ કોમ્પ્યુટર ક્ષેત્ર AI ક્ષેત્રમાં આગળ વધવાની તમન્ના દર્શાવી
રાજપીપલા, તા 4
નર્મદા જિલ્લા ધોરણ 12 વિજ્ઞાન પ્રવાહ અને સામાન્ય પ્રવાહનું પરિણામ જાહેર થયું છે. જેમાં બન્ને પ્રવાહમાં જિલ્લાનું પરિણામ ઊંચું આવ્યું છે. જેમાં ધોરણ 12વિજ્ઞાન પ્રવાહનું પરિણામ નર્મદા જિલ્લાનું ઊંચું કહી શકાય એવું 84.95 ટકા આવ્યું છે જયારે સામાન્ય પ્રવાહમાં નર્મદા જિલ્લાનું ઊંચું પરિણામ 94.17% આવ્યું છે.
આ વખતે ધોરણ 12 વિજ્ઞાન પ્રવાહમાં નર્મદા જિલ્લામાં રાજપીપળા ની જય અંબે ગ્રુપ ઓફ સ્કુલ મેદાન મારી ગઈ છે. જેમાં ધોરણ 12 વિજ્ઞાન પ્રવાહમાં જય અંબે સ્કૂલની વિદ્યાર્થીની વાળંદ નિધિ 91.16 ટકા (98.22pr)સાથે
સમગ્ર જિલ્લામાં પ્રથમ આવીને નર્મદા જિલ્લાનું નિધિએ ગૌરવ વધાર્યું છે. આજકાલ સાયન્સ પ્રવાહમાં સારું પરિણામ મેળવવા ટ્યુશન ન રાખે એવું ભાગ્યેજ બનતું હોય છે. પણ આ વિદ્યાર્થીની નિધિએ ટ્યુશન વગર જિલ્લામાં પ્રથમ આવીને સારું પરિણામ મેળવીને સાબિત કરી બતાવ્યું છે કે ટ્યુશન વગર પણ સારું પરિણામ મેળવી શકાય છે.વિજ્ઞાન પ્રવાહમાં ટ્યુશન વગર જિલ્લામાં પ્રથમ આવનાર જિલ્લાની પ્રથમ વિદ્યાર્થીની વાળન્દ નિધિએ નર્મદાનું ગૌરવ વધારતા જય અંબે સ્કૂલના કેમ્પસ ડાયરેક્ટર મહેશભાઈ આહીરે વિદ્યાર્થીનીનું મોં મીઠું કરાવી પુષ્પ ગુચ્છઆપી આભિનંદન પાઠવ્યા હતાં
નિધિએ પોતાની સફળતા નો શ્રેય માતા પિતા અને સ્કૂલના શિક્ષકોને આપ્યો હતો. તેણે આગળ કોમ્પ્યુટર ક્ષેત્ર AI ક્ષેત્રમાં આગળ વધવાની તમન્ના દર્શાવી હતી.વિજ્ઞાન પ્રવાહમાં જિલ્લામાં બીજા ક્રમે અંસાર શયાન મહેંદી આવી હતી.
.
જયારે ધોરણ 12 સામાન્ય પ્રવાહમાં જય અંબે સ્કૂલની વિદ્યાર્થીની પટેલ હીર 93.56%, સાથે પ્રથમ આવી હતી જિલ્લાના ટોપ ટેનમાં જય અંબે સ્કૂલની સાત વિદ્યાર્થીઓ અગ્રેસર રહ્યાં હતાં
ધોરણ 12 વિજ્ઞાન પ્રવાહમાં રાજપીપળા કેન્દ્રનું પરિણામ 85.81% આવ્યું હતું તો ડેડીયાપાડા કેન્દ્રનું પરિણામ 83 ટકા આવ્યું હતું.
તસવીર :દીપક જગતાપ, રાજપીપલા
