રાજપીપલા એમ. આર. આર્ટ્સ એન્ડ સાયન્સ કોલેજનું ગૌરવ
અતુલ વસાવાએ ૮૦૦ મીટર દોડ સ્પર્ધામાં પ્રથમ સ્થાન, ane2 સુદામ વસાવાએ ૧૫૦૦ મીટર દોડ સ્પર્ધામાં પ્રથમ સ્થાન પ્રાપ્ત કરી યુનિવર્સિટીની રાષ્ટ્રીય સ્તરની એથ્લેટિક્સ ટીમમાં સ્થાન મેળવ્યું
રાજપીપલા, તા24
રાજપીપલા એમ. આર. આર્ટ્સ એન્ડ સાયન્સ કોલેજ માત્ર શૈક્ષણિક ક્ષેત્રે જ નહીં, પરંતુ ઈતર પ્રવૃત્તિઓ અને રમતગમતના ફલક પર પણ પોતાની શ્રેષ્ઠતા પુરવાર કરી રહી છે. તાજેતરમાં કોલેજમાં દ્વિતીય વર્ષના ચોથા સેમિસ્ટરમાં અભ્યાસ કરતા બે તેજસ્વી વિદ્યાર્થીઓ અતુલ વસાવા અને સુદામ વસાવાએ વીર નર્મદ દક્ષિણ ગુજરાત યુનિવર્સિટીની એથ્લેટિક્સ ટીમમાં પસંદગી પામીને સંસ્થાનું નામ રાજ્ય કક્ષાએ ગૌરવાન્વિત કર્યું છે. રમતગમતના ક્ષેત્રમાં યુનિવર્સિટી કક્ષાની ટીમમાં સ્થાન પ્રાપ્ત કરવું એ અત્યંત કઠિન અને કસોટી સમાન ગણાય છે, ત્યારે આ બંને યુવા પ્રતિભાઓએ પોતાની શારીરિક ક્ષમતા અને મક્કમ મનોબળના જોરે આ અશક્ય લાગતા લક્ષ્યને પાર પાડ્યું છે.
શૈક્ષણિક ક્ષેત્રે અભ્યાસ અને રમતગમતની ક્ષમતાના સમન્વયથી સર્જાતી અનોખી સિદ્ધિનો એક નમુનો રજૂ કરતાં રાજપીપલા સ્થિત એમ. આર. આર્ટ્સ એન્ડ સાઇન્સ કોલેજના દ્વિતીય વર્ષ ચોથા સેમેસ્ટરના બે મેધાવી વિદ્યાર્થીઓએ યુનિવર્સિટી સ્તરે અપૂર્વ ઉપલબ્ધિ સાધીને કોલેજના ઇતિહાસમાં સુવર્ણાક્ષરોમાં નામ અંકિત કર્યું છે. અતુલ વસાવા અને સુદામ વસાવાએ વીર નર્મદ સાઉથ ગુજરાત યુનિવર્સિટી, સુરત દ્વારા આયોજિત એથ્લેટિક્સ પ્રતિસ્પર્ધામાં ભાગ લઈને કોલેજ નું ગૌરવ વધાર્યું છે. અત્યંત પ્રતિષ્ઠિત અને કઠિન માનાતી આ પસંદગી પ્રક્રિયામાં અતુલ વસાવાએ ૮૦૦ મીટર દોડ સ્પર્ધામાં પ્રથમ સ્થાન, તો સુદામ વસાવાએ ૧૫૦૦ મીટર દોડ સ્પર્ધામાં પ્રથમ સ્થાન પ્રાપ્ત કરી યુનિવર્સિટીની રાષ્ટ્રીય સ્તરની એથ્લેટિક્સ ટીમમાં સ્થાન મેળવ્યું છે.
આ બંને વિદ્યાર્થીઓ સાગબારા અને ડેડીયાપાડા જેવા અંતર્યાળ વિસ્તારોમાંથી આવે છે. કોલેજના પ્રચાર્ય ડૉ. શૈલેન્દ્રસિંહ માંગરોલાએ આ સિદ્ધિને ‘શિક્ષણ અને રમતનો સુમેળ’ ગણાવીને બંને વિદ્યાર્થીઓના સંયમ અને સાધનાની પ્રશંસા કરી છે. કોલેજના જિમખાના વિભાગના પ્રાધ્યાપક ડૉ. રાહુલ ઠક્કર અને ડૉ. કમલ ચૌહાણે આ સિદ્ધિને બિરદાવી બંનેને હાર્દિક અભિનંદન પાઠવ્યા છે.
આગળ આ બંને ખેલાડીઓ સુરત યુનિવર્સિટી ખાતે આયોજિત થઈ રહેલા દસ દિવસના વિશેષ તાલીમ શિબિરમાં ભાગ લેશે અને ત્યારબાદ નજીકના સમયમાં બેંગલોર ખાતે આંતર-વિશ્વવિદ્યાલય, રાષ્ટ્રીય સ્તરની સ્પર્ધામાં ભાગ લેવા પ્રસ્થાન કરશે.
તસવીર:દીપક જગતાપ,રાજપીપલા
