2જી ઓક્ટોબર થી ઉગ્ર આંદોલન ની લીલાબેન વસાવાની ચીમકી
ગુજરાત સરકારને અમે 2જી ઓક્ટોબર ના દિવસે લલકારીશું
ગાંધી જયંતિના દિવસે ખોપી ખાતે જાહેર સભા યોજાશે
પેન્ડિંગ વન અધિકારના દાવાઓના નિકાલની માંગ સાથે જાહેર સભામાં શક્તિ પ્રદર્શન કરશે
રાજપીપલા, તા 27
છેલ્લા બે મહિનાથી સાગબારા ખોપી ગામે ખેડૂતોનું આંદોલન ચાલી રહ્યું છે સરકારના આશ્વાસન અને પારણાં કરાવ્યા છતાં ખેડૂતોના પ્રશ્નોનો ઉકેલ ન આવતા ખેડૂતો માં ભારે રોષ જન્મ્યો છે હવે 2જી ઓક્ટોબરથી ઉગ્ર આંદોલનની ચીમકી આપતા સરકાર હરકતમા આવી ગઈ છે જેને કારણે સાગબારા જંગલ જમીન મુદ્દો વધુ ગરમાયો છે.જંગલ જમીન વિવાદમાં હવે નવો વળાંક આવી રહ્યો છે.
આજે ખેડૂતો ફરી પહોંચ્યા હતાં ધરણા સ્થળ પર. અને 2જી ઓક્ટોબર થી ઉગ્ર આંદોલન ની લીલાબેન વસાવાની ચીમકીઆપી દીધી છે.ગુજરાત સરકારને અમે 2જી ઓક્ટોબર ના દિવસે લલકારીશું અને ઉગ્ર આંદોલન અને શક્તિ પ્રદર્શન કરીશું એમ પણ લીલાબેને જણાવ્યું છે.સરકારી અમારી સાથે બેવડી નીતિ અપનાવી રહી છે.એવો આક્ષેપ પણ તેમણે કર્યો છે છેલ્લા બે મહિનાથી ખેડૂતો આંદોલન ચલાવી રહ્યાં છે.
કેટલાય સમયથી ખેડૂતો ફોરેસ્ટ વિભાગના કર્મચારીઓ જોડે ઘર્ષણ કરી રહ્યા છીએ અને અહિંસક આંદોલન કરી રહ્યા હતાપણ સરકાર સાંભળતી નથી એટલે હવે ઉગ્ર આંદોલન કરીશું.
આ અંગે આજે કોંગ્રેસ પ્રદેશ મહામંત્રી સંદીપ માગરોલાં સહિત આગેવાનો ખોપી પહોંચ્યા હતાં અને ખેડૂતોના સમર્થનમાં આવ્યા હતાં.
આગેવાનોએ ખોપી ખાતે આદિવાસી ખેડૂતો સાથે મુલાકાત કરી હતી.વન અધિકાર અને જંગલ જમીનના પ્રશ્નો અંગે ખેડૂતો સાથે ચર્ચા પણ કરી હતી.
૨ ઓક્ટોબરે ખોપી ખાતે “પુનઃ વન અધિકાર સત્યાગ્રહ”નું આયોજનની જાહેરાત સંદીપ માંગરોલાએ પણ કરી હતી.ગાંધી જયંતિના દિવસે ખોપી ખાતે જાહેર સભા યોજાશે
પેન્ડિંગ વન અધિકારના દાવાઓના નિકાલની માંગ સાથે જાહેર સભા. કરી શક્તિ પ્રદર્શન કરવાની જાહેરાત પણ કરી હતી. તેમણે વન અધિકારના દાવાઓનો કાયદેસર અને પારદર્શક નિકાલ કરવાની માંગકરી છે.
ખેડૂતોના ઉગ્ર મિજાજથી સરકાર પણ હવે હરકતમાં આવી ગઈ છે
તસવીર :દીપક જગતાપ, રાજપીપલા