તંત્ર મતદારોને સ્લીપો વહેંચવાનું જ ભૂલી ગયા તંત્રની બેદરકારી સામે આવી

લ્યો કરો વાત ”

રાજપીપળા નગરપાલિકાની ચૂંટણીમાં વોર્ડ નંબર 1ના બુથ 6ના મતદાન મથકના પ્રિસાઇડીંગ ઓફિસર ચાલુ મતદાને જાતે જ મતદારોને મતદાન કેવી રીતે કરવું તે સમજાવા બેસી જતા આશ્ચર્ય

આ મતદાન મથકમાં એક કરતાં વધારે લોકો પણ ભેગા થયેલા જોવા મળ્યા હતા.

તંત્ર મતદારોને સ્લીપો વહેંચવાનું જ ભૂલી ગયા તંત્રની બેદરકારી સામે આવી

રાજપીપલા

રાજપીપળા નગરપાલિકાની ચૂંટણીમાં પબ્લિક ગાર્ડનના ટાઉન હોલના વોર્ડ નંબર 1ના બુથ 6ના મતદાન મથકના પ્રિસાઇડીંગ ઓફિસર ચાલુ મતદાને જાતે જ મતદારોને મતદાન કેવી રીતે કરવું તે સમજાવા બેસી જતા મતદારોએ આશ્ચર્ય અનુભવ્યું હતું. એટલું જ નહીં આ મતદાન કુટીરમાં એક કરતાં વધારે લોકો ભેગા થયેલા જોવા મળતા આશ્ચર્ય સર્જાયું હતું.

સામાન્ય રીતે મતદારોને કેવી રીતે મતદાન કરવું એ માટે અગાઉથી તાલીમ આપવામાં આવે છે. તંત્ર દ્વારા એનું માર્ગદર્શન આપવાનું હોય છે પણ મતદાનને દિવસે આ કામગીરી તંત્ર દ્વારા કરવાની હોતી નથી છતાં આ મથકમાં પ્રસાઇડીંગ ઓફિસર મતદાન કુટીરમાં અંદર આવીને બટન કેવી રીતે દબાવવું તે સમજાવતા હતા. ખરેખર ઓફિસર આ કૃત્ય કરી શકે નહીં. ચૂંટણી અધિકારી તેમની સામે કડક કાર્યવાહી કરે એવી પણ લોકોએ માંગ કરી હતી.જોકે મીડિયાએ આવી રજુઆત કરતાં એપ્રસાઇડીંગ ઓફિસર પછીથી ખુરશીમાં બેસી ગયા હતાં

બીજુ આ મતદાન મથકમાં એક કરતાં વધારે લોકો પણ ભેગા થયેલા જોવા મળ્યા હતા. સામાન્ય રીતે એક મતદાર જ મતદાન કરે ત્યાં સુધી અંદર બીજો મતદાર જઈ ન શકે છતાં પ્રિસાડીંગ ઓફિસરની બેદરકારીને કારણે આ દ્રશ્ય જોવા મળ્યું હતું. વહીવટી તંત્રની બેદરકારીનો નમૂનો જોવા મળ્યો હતો ચૂંટણી અધિકારી આ પ્રિસાઇડિંગ ઓફિસર અને અન્ય સ્ટાફ સામે કાર્યવાહી કરે એવી મતદારોએ માંગ કરી હતી.

બીજી તરફ દર વખતે સરકારી તંત્ર તરફથી કે પાર્ટી તરફથી. મતદાન પહેલા ઘરે ઘરે જઈને મતદાન મથક સ્થળ બુથ મતદાર ક્રમાંક સાથે ની સ્લીપ વહેચવામાં આવતી હતી પણ આ વખતે આશ્ચર્યની વચ્ચે
તંત્ર કે પાર્ટી તરફથી આવી કોઇ સ્લીપ મતદારોને ઘરે પહોંચાડાઇ હતી. આ વખતે મતદાનં કેન્દ્રો પણ બદલાયા હોવાથી મતદારો પાસે સ્લીપ ન હોવાથી મતદારોને ભારે તકલીફ પડી હતી. આ વખતથી ચૂંટણીમાં વહીવટી તંત્રની અને પાર્ટીની અક્ષમ્ય બેદરકારી જોવા મળી હતી

તસવીર :દીપક જગતાપ, રાજપીપલા