ભારતીય જનતા પાર્ટીએ 35 વર્ષથી ચાની ટપરી ચલાવતી મહિલાને ટિકિટ આપી
રાજપીપલા નગરપાલિકા વોર્ડ 7 ની ભાજપાની મહિલા ગીતાબેન નગરના પ્રશ્નો ઉકેલવા કટીબધ્ધ છે.
યુવામોરચા પ્રદેશ મન્ત્રી ની સ્થાનિકો
સાથે ચાય પે ચર્ચા
રાજપીપલા, તા 20
નર્મદા જિલ્લાના રાજપીપળામાં નગરપાલિકાની આગામી ચૂંટણીને લઈને રાજકીય માહોલ ચરમસીમાએ પહોંચ્યો છે. આ વખતે ચૂંટણી પ્રચારમાં મોટા નેતાઓ કે કરોડોની સંપત્તિ ધરાવતા ઉમેદવારો કરતા પણ વધુ ચર્ચા એવા લોકોની થઈ રહી છે જેઓ પાયાના સ્તરે સામાન્ય જનતા સાથે જોડાયેલા છે. રાજપીપળા નગરપાલિકાના વોર્ડ નંબર-7માંથી
35 વર્ષથી ચાની લારી ચલવતાં ગીતાબેન પાટણવાડીયાને ભાજપે ટિકિટ આપી છે.આ મહિલા ઉમેદવાર વ્યવસાયે ચાની ટપરી ચલાવે છે.ગીતાબેન છેલ્લા 35 વર્ષથી રાજપીપળાના કોલેજ રોડ પર ચાની નાની લારી ચલાવીને પોતાના પરિવારનું ગુજરાન ચલાવે છે.
તેમનું જણાવવું છે કે એક સમયે ચા વેચતા મોદી સાહેબ જો દેશના વડાપ્રધાન બનીને દેશની સેવા કરી શકતા હોય તો હું ચાની ટપરી ચલાવી સ્વમાન ભેર જીવતી એક સામાન્ય મહિલા કોર્પોરેટર કેમ ના બની શકુ? જો હું ચૂંટણી જીતીશ તો મારાં વોર્ડના પ્રશ્નો હલ કરવાની અને રાજપીપલા નગરને રસ્તા, વીજળી પાણી જેવા પ્રશ્ન હલ કરી હું નગરની સેવા કરીશ.
આ પ્રસંગે ગુજરાત પ્રદેશ યુવા ભાજપાના મન્ત્રી બિનલબેન રાઠવા એ ઉમેદવારની સાથે ચાય પે ચર્ચા કરી ભાજપા સરકારની વિવિધ યોજનાઓ અને મળતા તેના લાભો વિશે પણ ચર્ચા કરી હતી.
તસવીર :
દીપક જગતાપ, રાજપીપળા
..