*તા.૧૪ શુક્રવારે કુમકુમ મંદિર દ્વારા ફૂલદોલોત્સવ ઉજવાશે.*

*તા.૧૪ શુક્રવારે કુમકુમ મંદિર દ્વારા ફૂલદોલોત્સવ ઉજવાશે.*
*કેસૂડાંના જળથી શ્રી સ્વામિનારાયણ ભગવાન ઉપર છંટકાવ કરવામાં આવશે.*

સદ્ગુરૂ શાસ્ત્રી શ્રી આનંદપ્રિયદાસજી સ્વામી સંસ્થાપિત શ્રી સ્વામિનારાયણ મંદિર – કુમકુમ – મણિનગર ખાતે તા. ૧૪ શુક્રવારના રોજ સવારે ૭ – ૪૫ થી ૮ – ૩૦ વાગ્યા સુધી ફુલદોલોત્સવની ઉજવણી કરવામાં આવશે. આ પ્રસંગે શ્રી સ્વામિનારાયણ ભગવાનને વિશિષ્ટ શ્વેત વસ્ત્રો ધારણ કરાવવામાં આવશે. આ પ્રસંગે શ્રી સ્વામિનારાયણ ભગવાન ઉપર કેસૂડાંના જળથી છંટકાવ કરવામાં આવશે.

ત્યારબાદ શ્રી સ્વામિનારાયણ મંદિર કુમકુમ આનંદધામ હીરાપુર ખાતે ફૂલદોલોત્સવની ઉજવણી સાંજે ૪ ૦૦ થી ૬ – ૦૦ કરવામાં આવશે. આ પ્રસંગે આનંદપ્રિયદાસજી સ્વામીની સ્મૃતિમાં બનાવેલ છત્રી સ્થાને સામૂહીક આરતી કરવામાં આવશે. આ નિમિત્તે જીવનપ્રાણ શ્રી અબજીબાપાશ્રીની વાતોની પારાયણ યોજાશે. આ પ્રસંગે આ કથામૃતનું પાન શ્રી પ્રેમવત્સલદાસજી સ્વામી, શ્રી હરિવલ્લદાસસજી સ્વામી અને શાસ્ત્રી શ્રી હરિકૃષ્ણસ્વરૂપદાસજી કરાવશે.

આ પ્રસંગે નંદપદવીના સંતો રચિત કીર્તનો ગવાશે અને ઓચ્છવ કરવામાં આવશે. અંતમાં સૌને ધાણી ખજૂર ચણાનો પ્રસાદ આપવામાં આવશે.

*કુમકુમ મંદિરના સાધુ પ્રેમવત્સલદાસજીએ ફૂલદોલોત્સવ – રંગોત્સવ અંગે જણાવ્યું હતું કે*, ‘ફૂલદોલોત્સવ’ શ્રી સ્વામિનારાયણ ભગવાનનો અતિપ્રિય ઉત્સવ હતો. આ ઉત્સવ શ્રી સ્વામિનારાયણ ભગવાન દર વર્ષે જુદે – જુદે સ્થળે ઉજવતા. ધોરાજીથી માંડી, ગઢડા, લોયા, પંચાળા, બોટાદ, સારંગપુર, વડતાલ આદિ ગામની રજકણો આ કેસૂડાંના રંગે રંગાયેલી છે.જે ઉત્સવમાં ભગવાન અને તેમના સંતોનાં દર્શન થાય એટલે એ ઉત્સવ માત્ર ઉજવણી નહીં પણ એક અવસર બની જાય છે.વડતાલમાં શ્રી સ્વામિનારાયણ ભગવાનને બાર – બાર બારણાંના હિંડોળમાં ઝુલાવામાં આવ્યા હતા અને શ્રી સ્વામિનારાયણ ભગવાને બાર – બાર સ્વરૂપે બિરાજીને દર્શન આપ્યા હતા.

સર્વે ઉત્સવોમાંય રંગોત્સવનો ઉત્સવ એ સ્વામિનારાયણ સંપ્રદાયમાં શિરમોડ રહ્યો છે. ભગવાન આ ‘ફૂલદોલોત્સવ’ ખૂબ ધામધૂમથી ઉજવતા. આ ઉત્સવની સ્મૃતિ માટે આજેય સ્વામિનારાયણ સંપ્રદાયના મંદિરોમાં છેલ્લા ૨૦૦ વર્ષથી આ ફૂલદોલોત્સવની ઉજવણી કરવામાં આવે છે. જેમાં શ્રી સ્વામિનારાયણ ભગવાન ઉપર ગુલાલ છાંટવામાં આવે છે. કેસૂડાંના જળથી તૈયાર કરવામાં આવેલો રંગ શ્રી સ્વામિનારાયણ ભગવાન ઉપર અને સંતો – ભક્તો ઉપર છાંટવામાં આવે છે. ભગવાનને ધાણી તથા હારડાંના હારના શણગાર સજવામાં આવે છે.

– સાધુ પ્રેમવત્સલદાસજી કુમકુમ
– મો. ૯૮૯૮૭૬૫૬૪૮
– વોટ્સએપ – ૬૩૫૨૪૬૬૨૪૮