રાજપીપળા માં પેટ્રોલ ડીઝલની તંગી

રાજપીપળા માં પેટ્રોલ ડીઝલની તંગી

રાજપીપળા અને આજુબાજુ 20 કિમી ના વિસ્તારમાં પોઇચા સુધી ના તમામ પેટ્રોલ પંપ બંધ થતા વાહન ચાલકો અટવાયા

રાજપીપળા, વાવડી, કુંવર પરા, તોરણા, પોઇચા, કુંવર પરા તમામ પેટ્રોલ પંપ બંધ
સ્ટેચ્યુ ઑફ યુનિટી પર વેકેશન હોવાથી પ્રવાસીઓ ઉમટી રહ્યાં છે ત્યારે વાહન ચાલકો પેટ્રોલ ડીઝલ મળતું ન હોવાથી પ્રવાસીઑ પણ પરેશાન

રાજપીપળા, તા 15

રાજપીપળા સહીત નર્મદામાં પેટ્રોલ ડીઝલની તંગી વર્તાતા આજે લાંબી લાંબી કતારો જોવા મળી હતી.રાજપીપળા અને આજુબાજુ 20 કિમી ના વિસ્તારમાં પોઇચા સુધી ના તમામ પેટ્રોલ પંપ બંધ થતા વાહન ચાલકો અટવાયા હતા.રાજપીપળા, વાવડી, કુંવર પરા, તોરણા, પોઇચા, કુંવર પરા તમામ પેટ્રોલ પંપ બંધ જણાયા હતાં ક્યાંક માત્ર પેટ્રોલ મળતું હતું તો ક્યાક બન્ને નહોતા મળતા મોટા ભાગના પેટ્રોલ પમ્પ પર ડીઝલ મળતું નહોતું.

લોકો પેટ્રોલ ડીઝલ નહી મળે એવી ભીતિથી ટાંકી ફૂલ કરી દેતા હોવાથી પેટ્રોલ ડીઝલ ની તંગી વરતાતી હતી. રાજપીપળા વિસ્તાર માં ડીઝલ ખુટ્યું હોવાથી ડીઝલ વિના ફોર વહીલર વાહન ચાલકો અટવાયા હતાં
પેટ્રોલ પંપ માલિકોનું કહેવું છે કે ગઈ કાલે ડીઝલ ખૂટી જતા આજે ડીઝલ ની ગાડી મંગાવી છે આવશે એટલે ડીઝલ પણ મળશે ફૂલ સ્ટોક છે.

બીજી તરફ સ્ટેચ્યુ ઑફ યુનિટી પર વેકેશન હોવાથી પ્રવાસીઓ ઉમટી રહ્યાં છે ત્યારે વાહન ચાલકો પેટ્રોલ ડીઝલ મળતું ન હોવાથી પ્રવાસીઑ પણ પરેશાન થતા જોવા મળતા હતાં.

બીજી તરફ પેટ્રોલ પંપ ના માલિકો તરફથી લોકોને જરૂર પૂરતું પેટ્રોલ ડીઝલ પુરવા અપીલ કરાઈ હતી.પણ લોકો પેટ્રોલ ડીઝલ નહીં મળે એવી ભીતિથી ફૂલ ટેન્ક કરી કૃત્રિમ તંગી ઊભી કરી રહ્યાં હતાં

તસવીર :દીપક જગતાપ, રાજપીપલા