લ્યો કરો વાત, નર્મદાના દર્દીને રસ્તાના અભાવે હોસ્પિટલ સુધી પહોંચવા 10 કિમિ પગપાળા ચાલીને ઝોળીમાં ટીંગાટોળી કરી જવુ પડે છે!
આ તે કેવો વિકાસ!
આઝાદીના 78 વર્ષ પછી પણ નર્મદા
ના અંતરિયાળ ગામો ને સારા રસ્તા નસીબ નથી?!
નર્મદા જિલ્લામાં સાપ કરડતા પીડિતને 10 કિ.મી ઝોળીમાં ખભે ઊંચકી લઈ હોસ્પિટલે લઇ જવાયો!
10 કિલોમીટર સુધી મુખ્ય માર્ગ ઉપર લાવ્યા હતા અને ત્યાર બાદ ખાનગી વાહનમાં સારવાર માટે લઈ જવામાં આવ્યો હતો
10 કિલોમીટર સુધી મુખ્ય માર્ગ ઉપર લાવ્યા હતા અને ત્યાર બાદ ખાનગી વાહનમાં સારવાર માટે લઈ જવામાં આવ્યો હતો
અગાઉ ચાપટ ફળિયાની મહિલા ની જંગલમાં પ્રસૂતિ થઈ ગતિ તેને પણ ઝોળીમાં નાખીને લઈ જવાતી હતી તે વખતે પ્રસૂતિ ની ઘટના બની હતી
રાજપીપલા, તા 13
વિકસિત ગુજરાતની વાતો રાજ્ય સરકારના વિકાસની ફરી એકવાર પોલ ખૂલી ગઈ છે. નર્મદા જિલ્લાના ચાપટ ગામના પેટા ફળિયામાં રહેતા ઇસિદ્રભાઈને સાપ કરડતા રોડના અભાવે ઝોળીમાં નાંખીને દવાખાને લઈ જવા પડ્યા હતાં. આ ઘટના સામે આવ્યા બાદ નર્મદાનો વિકાસ ફરી એકવાર ચર્ચામાં આવ્યો છે.
પ્રાપ્ત માહિતી અનુસાર , નર્મદા જિલ્લાના ચાપટ ગામના પેટા ફળિયામાં ઇસિદ્રભાઈ વસાવાને સાપ કરડ્યો હતો. સાપ કરડ્યા બાદ તેમને તાત્કાલિક હોસ્પિટલ ખસેડવાની ફરજ પડી હતી. પરંતુ, રસ્તાના અભાવે એમ્બ્યુલન્સ ગામ સુધી પહોંચી શકે તેમ નહતી. તેથી, આશરે 10 કિ.મી સુધી ઈસિદ્રભાઈને ઝોળીમાં નાંખીને મુખ્ય રોડ સુધી લાવવામાં આવ્યા. મુખ્ય માર્ગ પરથી બાદમાં તેમને ખાનગી વાહનમાં સારવાર અર્થે ખસેડવામાં આવ્યા. હાલ, હોસ્પિટલમાં તેમની સારવાર થઈ રહી છે.
આશ્ચર્યની વાત તો એ છે કે
આ ગામ સ્ટેચ્યુ ઑફ યુનિટીથી માત્ર 10 જ કિલોમીટર ના અંતરે આવેલું છે. આઝાદીના આટલા વર્ષો પછી પણ ચાપટ ગામને રસ્તાની સુવિધા નથી મળી. એક તરફ સ્ટેચ્યુ ઑફ યુનિટીના નામે કરોડો રૂપિયા વિકાસના નામે ખર્ચ કરવામાં આવે છે. જયારે નર્મદાના અંતરિયાળ ગામોને આજે પણ સારા રસ્તા નસીબ નથી થયાં, નથી ગામમા 108 કે એમ્બયુલન્સ જઈ શકતી. ત્યારે ગ્રામજનોમાં છેડેચોક ચર્ચા થઈ રહી છે કે આ તે કેવૉ વિકાસ?
અત્રે ઉલ્લેખનીય છે કે આ પહેલાં પણ નર્મદા જિલ્લામાં ગરુડેશ્વર ચાપટ ગામના પાયલ વસાવાને રાત્રે પ્રસવ પીડા ઉપડી હતી અને ગામમાં રસ્તાના અભાવે કોઈ સરકારી વાહન આવી શકે તેમ નહતું, તેથી પરિવારે પ્રસૂતાને સાડીની ઝોળી બનાવી હૉસ્પિટલ લઈ જવાની તજવીજ હાથ ધરી. પરંતુ, પરિવારજનો પ્રસૂતાને હૉસ્પિટલ સુધી પહોંચાડે તે પહેલાં જ મહિલાએ જંગલમાં જ બાળકને જન્મ આપી દીધોહતો . બાળકને જન્મ આપ્યા બાદ પરિવારજનો ફરી મહિલા અને બાળકને ઝોળીમાં નાખી હૉસ્પિટલ સારવાર માટે લઈ જવા નીકળી પડ્યા.
નર્મદા જિલ્લાના ગરુડેશ્વર તાલુકાનું ચાપટ ગામ અંતરિયાળ જંગલ વિસ્તારમાં આવેલું છે.
ચાપટ ફળિયા માં 47 મકાનો અને 250 જેટલા લોકોની વસ્તી છે
નર્મદા જિલ્લાના ગરૂડેશ્વર તાલુકા નું ગામ છે જ્યારે સ્ટેચ્યુ ઑફ યુનિટી 10 કિલોમીટર ના અંતરે આવેલ છે
આ ગામમાંથી મુખ્ય રસ્તા સુધી પહોંચવા માટે 10 કિલોમીટર સુધી જંગલમાંથી પસાર થવું પડે છે. જેથી, ગામમાં કોઈ એમ્બ્યુલન્સ જેવું વાહન પણ આવી શકતું નથી. આ ગામથી મુખ્ય રસ્તા સુધી પહોંચવા કોઈ પાક્કો રસ્તો બનાવવામાં નથી આવ્યો.
આજે આઝાદીના 78 વર્ષ પછી પણ નર્મદા ના અંતરિયાળ ગામો ને સારા રસ્તા નસીબ નથી થયાં એ સરકાર માટે શરમજનક જ વાત કહેવાય
તસવીર :દીપક જગતાપ, રાજપીપલા
