ધોળકા :અભયમ્ મહિલા સંમેલન

ગુજરાત ભારત રાજનીતિ વિશેષ સમાચાર

ધોળકા ખાતે જિલ્લા પંચાયતના ઉપક્રમે મહિલા સંમેલનનું આયોજન કરવામાં આવ્યું હતુ

આ પ્રસંગે ઉપસ્થિત મંત્રી ભૂપેન્દ્રસિંહ ચૂડાસમા એ જણાવ્યું કે,અભયમ્ એપ, મહિલા અદાલત, મહિલા આરક્ષણ સહીત અનેક યોજનાઓ ને કારણે શિક્ષણ, રોજગાર અને વ્યવસાયમાં મહિલાઓ માનભેર આગળ વધી શકે અને આવનારા દિવસોમાં પણ આજ પ્રકારે રાજ્ય સરકાર કાર્યરત રહેશે.

મહિલાઓને સંબોધતા મંત્રી એ વધુમાં જણાવ્યું કે , રાજ્ય સરકારે કૂપોષણ સામે જંગ છેડી સમાજની મહિલા અને બાળકોને સશક્ત કરવા માટે ઉન્નત અભિગમ અપનાવ્યો છે.

આ પ્રસંગે ઉપસ્થિત રાજ્ય ઘેટા અને ઉન વિકાસ નિગમના ચેરમેન શ્રી ભવાનભાઈ ભરવાડે જણાવ્યું કે રાજ્ય સરકારની મહિલા સશક્તિકરણની નિતીને કારણે આજે મહિલાઓ માટે
વિકાસની વિશાળ તકો ઉપલબ્ધ થઇ છે. તેમણે સરકાર દ્વારા સ્ત્રી અત્યાચાર સામેના ગુનામાં સજાના જરૂરી વધુ અસરકારક પગલાંને આવકાર્યા હતા અને મહિલાઓને અભ્યમ્ એપનો
ઉપયોગ કરવા સૂચનો કર્યા હતા.

આ કાર્યક્રમમાં જીલ્લા પંચાયત પ્રમુખ જિતેન્દ્રસિંહ ચૌહાણ, ઉપપ્રમુખ શ્રીમતી ભાવીબેન પટેલ, નગર પાલીકા પ્રમુખ ભરતભાઈ પટેલ, શિક્ષણ સમિતીના ચેરમેન કિરીટસિંહ રાણા, સામાજીક ન્યાય સમિતીના અધ્યક્ષ રાધાબેન સેનવા, જિલ્લા વિકાસ અધિકારી અરૂણ મહેશ બાબુ, પ્રાંત અધિકારી ધવલ જાની તેમજ ૧૮૧ અભ્યમ સેવાની કર્મચારીઓ બહેનો અને વિશાળ માત્રામાં સ્થાનીક લોકો ઉપસ્થિત રહ્યા હતા. સંકલન-દિલીપ ઠાકર

TejGujarati
  •  
  •  
  •  
  •  
  •  
  •