આજે માતૃભાષા ગૌરવ દિને …. ગૌરવવંતી ગુજરાતી ભાષાને મારા શબ્દોની પુષ્પાંજલિ કાવ્યસ્વરૂપે ….
માતૃભાષાનું બીજ
……….
પ્રસન્તાના છોડવે મ્હેંકે સ્મિતનું પુષ્પ ,
મારા હૈયે અકબંધ રહે ,મારી માતૃભાષાનું
બીજ ,
અતરંગ ભાવોનું રેખાંકન એમાં ક્યારેય ન બને શુષ્ક ,
મારા હૈયે અંકિત રહે મારી માતૃભાષાનું બીજ ,
હિમાલયની એ રમ્યઘોષા ગંગા સમી એ વહેતી રહે સવિશેષ ,
મારા હૈયે ધરબાયેલું રહે ,મારી માતૃભાષાનું બીજ ,
ઝૂલ્ફોમાંથી ચળાઈને ,આંખની પાંપણ પર ઝીલાઇને કરે ભીતર પ્રવેશ ,
મારા હૈયે કોતરાઈ જાય ,મારી માતૃભાષાનું બીજ .
બીના પટેલ
