ગત બુધવારે કાશ્મીરમાં અનંતનાગ ખાતે ત્રાસવાદી સંગઠન સામે સર્ચ ઓપરેશન માટે ભારતીય લશ્કરના જવાનો તેમજ પોલીસના સંયુકત ઓપરેશન દરમ્યાન ભારતીય લશ્કરના બે જવાનો તેમજ પોલીસના એક ડીએસપીએ દેશ માટે પોતાના પ્રાણની આહુતિ આપી છે. એ પછી રાજૌરી ખાતે પણ રાઈફલસના એક જવાન શહીદ થયા છે. આમ કુલ ચાર શહીદોએ પોતાના પ્રાણ દેશ સેવા માટે સમર્પિત કરી દીધા છે. પૂજ્ય મોરારીબાપુએ તમામ મૃતકોને શ્રદ્ધાંજલિ સમર્પિત કરી છે અને પ્રત્યેક મૃતકના પરિવારજનોને ₹25,000 લેખે એક લાખ રૂપિયા ની સહાયતા રાશિ અર્પણ કરી છે. પૂજ્ય મોરારીબાપુએ તમામ મૃતકોના નિર્વાણ માટે પ્રાર્થના કરી છે.
