ગત બે દિવસ પહેલા દક્ષિણ આફ્રિકાના જોહનિસબર્ગ ખાતે માર્શલ ટાઉન વિસ્તારમાં આવેલી એક ઇમારતમાં ભયાનક આગ લાગી હતી જેમાં અનેક લોકો ઘાયલ થયા હતા અને પ્રાપ્ત અહેવાલો અનુસાર એ દુઃખદ ઘટનામાં 73 લોકોનાં કરુણ મોત નિપજયા છે.
પૂજ્ય મોરારીબાપુની રામકથા નેપાળ કાઠમાંડુ ખાતે ચાલી રહેલ છે અને તે દરમ્યાન આ સમાચાર પ્રાપ્ત થતાં તેમણે આ કરુણાંતિકામાં માર્યા ગયેલાઓને શ્રધ્ધાંજલિ અર્પણ કરી છે અને તેમના પરિવારજનોને પ્રત્યેકને રુપિયા પંદર હજાર લેખે ૧૦૯૫૦૦૦ ની સહાયતા રાશિ અર્પણ કરી છે. આ રાશિ સ્થાનિક ચલણમાં સાઉથ આફ્રિકા સ્થિત રામકથાના શ્રોતાઓ દ્વારા પહોંચાડવામાં આવશે. પૂજ્ય મોરારીબાપુએ તમામ મૃતકોના નિર્વાણ માટે પ્રાર્થના કરી છે અને તેમના પરિવારજનોને દિલસોજી પાઠવી છે.
7 thoughts on “જોહનિસબર્ગ ખાતે આગની ઘટનામાં માર્યા ગયેલાઓને મોરારીબાપુની શ્રદ્ધાંજલિ અને સહાય”