નર્મદા જિલ્લાના નવા ભાજપા પ્રમુખ તરીકે પૂર્વ વનમંત્રી રહી ચૂકેલા શબ્દશરણ તડવીની નિમણુક
નર્મદા જિલ્લા ભાજપ પ્રમુખ નીલ રાવને દોઢ વર્ષના ગાળામાં બદલવાની નર્મદામાં પહેલી ઘટના
આ ફેરબદલ પાછળનું મુખ્ય કારણ નર્મદા જિલ્લા પંચાયત ની 4 તાલુકા પંચાયતમાં ભાજપની હાર
સાંસદ મનસુખ વસાવા અને
ધારાસભ્ય દર્શનાબેન દેશમુખે પ્રમુખ બદલવા અંગે ઉચ્ચ કક્ષાએ રજૂઆત કરી વિરોધ વ્યક્ત કર્યો હતો
રાજપીપલા તા. 23
નર્મદા જિલ્લા ભાજપ પ્રમુખ નીલ રાવને દોઢ વર્ષના ગાળામાં બદલવાની પ્રદેશ કક્ષાએથી ફરજ પડી અચાનક નવા પ્રમુખની વરણી કરી દેતા નર્મદાના રાજકારણમાં રાજકીય ગરમાવો આવી ગયો હતો.
નર્મદા જિલ્લાના નવા ભાજપા પ્રમુખ તરીકે પૂર્વ વનમંત્રી રહી ચૂકેલા શબ્દશરણ તડવી નવા જિલ્લા પ્રમુખ તરીકે નિમણુક કરવામાં આવી છે.
અત્યાર સુધી નર્મદા ના ઇતિહાસ માં તમામ જિલ્લા પ્રમુખે ત્રણ વર્ષનો કાર્યકાળ પૂરો કર્યો છે પણ પહેલી વાર નીલ રાવ પ્રમુખ તરીકે 3 વર્ષનો કાર્યકાળ પૂરો ન કરવાની નર્મદામાં પહેલી વાર ઘટના બની છે. અધવચ્ચેથી નવા પ્રમુખની નિમણુંક કરવાની પણ આ પહેલી ઘટના છે.
જોકે આ ફેરબદલ પાછળનું મુખ્ય કારણ નર્મદા જિલ્લા પંચાયત ની 4 તાલુકા પંચાયત ભાજપે ગુમાવતા કાર્યકરો આગેવાનનોમાં ભારે રોષ હતો. એટલું જ નહીં સ્થાનિક સ્વરાજની ચૂંટણીઓ માં ટિકિટ વહેંચણીમાં પણ મનસ્વી નિર્ણયો લેવાતા દાવેદાર, ઉમેદવાર અને કાર્યકરો માં ભારે રોષ ફાટી નીકળ્યો હતો જેની સામે ખાસ કરીને સાંસદ મનસુખ વસાવા અને
ધારાસભ્ય દર્શનાબેન દેશમુખે પ્રમુખ બદલવા અંગે ઉચ્ચ કક્ષાએ રજૂઆત કરી વિરોધ વ્યક્ત કર્યો હતો. ધારાસભ્ય દર્શનાબેને એક જાહેર કાર્યક્રમમાં એમનું જાહેર આપમાન થતા એમણે રાજીનામુ આપી દેવાની ચીમકી આપી દીધી હતી એટલું જ નહીં ધારાસભ્ય ખૂદ ધરણા પર બેસી ગયા હતાં જેમના સમર્થનમાં સ
સાંસદ મનસુખ વસાવા સહીત ભાજપા કાર્યકરો આગેવાનો પણ ધારાસભ્ય ના સમર્થનમાં ધરણા પર બેસી જઈ નીલ રાવને પ્રમુખ પદેથી હટાવવાની માંગ કરી હતી. જેના લગકે એટલું જ નહીં ટિકિટ વહેંચણી બાબતે ધારાસભ્ય અને સાંસદ ને પૂછ્યા વગર મનસ્વી નિર્ણય લેતા નર્મદાનું શીર્ષ નેતૃત્વ નારાજ હતું. જોકે બીજી તરફ ડેડીયાપાડા ના ધારાસભ્ય ચૈતર વસાવાનું વધતું જતું વર્ચસ્વ ને
ખાળવા કે કાઉન્ટર કરવામાં નિષ્ફ્ળ જતા આગામી વિધાનસભા ની ચૂંટણી નજીક આવી રહી છે ત્યારે નર્મદા ની બે વિધાનસભા હારવાનો વારો ન આવે તે માટે અધઃવચ્ચેથી નવા જિલ્લા પ્રમુખ તરીકે પૂર્વ વન મંત્રી રહી ચૂકેલા અને સંગઠનમાં બહોળો અનુભવ ધરાવતા શબ્દશરણ તડવીની નવા જિલ્લા પ્રમુખ તરીકે વરણી કરાઈ છે ત્યારે બંને વિધાનસભાઓની જવાબદારી તેમના માટે આવી પડી છે એ એક મોટો પડકાર રહેશે..
નવનિયુક્ત પ્રમુખે તાત્કાલિક પદભાર સંભાળી સંગઠનને વધુ મજબૂત બનાવવાનો સંકલ્પ વ્યક્ત કર્યો છે. સાથે જ ૨૦૨૭ની વિધાનસભા ચૂંટણીમાં નાંદોદ અને ડેડિયાપાડા બંને બેઠકો જીતવાનો લક્ષ્યાંક વ્યક્ત કર્યો છે.. જયારે પૂર્વ જિલ્લા પ્રમુખ નીલ રાવે નવનિયુક્ત પ્રમુખ શબ્દશરણભાઈ તડવીના નેતૃત્વમાં ભાજપ વધુ મજબૂત બનશે તેવો વિશ્વાસ વ્યક્ત કર્યો. પોતાના કાર્યકાળ દરમિયાન મળેલા સહયોગ બદલ કાર્યકર્તાઓ અને નર્મદા જિલ્લાની જનતાનો આભાર માન્યો.શબ્દશરણ તડવીએ પદભાર સંભાળી કાર્યકર્તાઓને છેવાડાના માનવી સુધી સરકારની યોજનાઓ પહોંચાડવા આહ્વાન કર્યું. ૨૦૨૭ની ચૂંટણીમાં નાંદોદ અને ડેડિયાપાડા બંને બેઠકો પર ભાજપનો વિજય થાય તે માટે સંગઠનાત્મક આયોજન સાથે કામ કરવાનો સંકલ્પ વ્યક્ત કર્યો હતો. હવે આ જોવું રહ્યું આગામી દિવસ શબ્દ તડવી ના ગીતો તો માં નવી ટીમ બનશે અત્યારે નર્મદા ભાજપને સંગઠન અને આગામી વિધાનસભાની ચૂંટણીઓમાં કેવું પ્રદર્શન રહેશે તે હવે જોવું રહ્યું
તસવીર :દીપક જગતાપ, રાજપીપલા
