આરોગ્ય દર્પણ દ્વારા ન્યૂ દિલ્હી ખાતે આણંદના ચિત્રકાર અશોક ખાંટને ‘ નેશનલ આઈકોન એવોર્ડ ૨૦૨૬ ‘ અર્પણ

આરોગ્ય દર્પણ દ્વારા ન્યૂ દિલ્હી ખાતે આણંદના ચિત્રકાર અશોક ખાંટને ‘ નેશનલ આઈકોન એવોર્ડ ૨૦૨૬ ‘ અર્પણ

આરોગ્ય દર્પણ દ્વારા નવી દિલ્હીના કોન્સ્ટિટ્યુશન ક્લબ ઓફ ઈન્ડિયા ખાતે ભવ્ય “નેશનલ કોન્ક્લેવ – ડેવલપ્ડ ઈન્ડિયા 2047” અને “નેશનલ આઇકોન એવોર્ડ્સ 2026″ કાર્યક્રમનું આયોજન કરવામાં આવ્યું હતું. કાર્યક્રમનો ઉદ્દેશ્ય 2047 સુધીમાં ભારતને વિકસિત રાષ્ટ્ર બનાવવા અને આગળ વધવા આહવાન કરવાનો હતો. સમાજના વિવિધ ક્ષેત્રોના મહાનુભાવોએ આપેલ રાષ્ટ્રનિર્માણમાં મહત્વપૂર્ણ યોગદાન બદલ પ્રતિષ્ઠિત વ્યક્તિઓનું સન્માન કરવાનો હતો.

આ કાર્યક્રમમાં આરોગ્ય, શિક્ષણ, સમાજ સેવા, વહીવટ, ઉદ્યોગ, સાહિત્ય, કલા, મીડિયા, વિજ્ઞાન અને રાષ્ટ્રનિર્માણમાં પ્રેરણાદાયી યોગદાન આપનારા દેશભરમાંથી પસંદ કરાયેલા પ્રતિષ્ઠિત વ્યક્તિઓનું સન્માન કરવામાં આવ્યું હતું. જેમાં ગુજરાતથી ખાસ પધારેલ આણંદના જાણીતા અને પ્રતિષ્ઠિત ચિત્રકાર અશોક ખાંટને “નેશનલ આઇકોન એવોર્ડ્સ 2026” હેઠળ સન્માનિત કરવામાં આવેલ , જે આણંદ શહેર માટે ગૌરવની વાત છે.

આરોગ્ય દર્પણના અધ્યક્ષ શ્રી રામપ્રકાશ વર્મા ના આમંત્રણથી ભારત સરકારના અધિક કેબિનેટ સચિવ શ્રી સૌરભ તિવારી; શ્રી પ્રદીપ ગાંધી, ડૉ. સ્વરાજ વિદ્વાન, શ્રીમતી રશ્મિ મિશ્રા વિગેરે મહેમાનો ઉપસ્થિત રહ્યા હતા.

શ્રી રામ પ્રકાશ વર્મા
આરોગ્ય દર્પણ, રાષ્ટ્રીય આયોજન સમિતિ

સમાચાર મોકલનાર: અશોક ખાંટ