આવતી કાલે જંગલ જમીન મુદ્દે જાહેરસભા બાદ ઉગ્ર આંદોલન ના એંધાણ

આવતી કાલે જંગલ જમીન મુદ્દે જાહેરસભા બાદ ઉગ્ર આંદોલન ના એંધાણ

આવતીકાલે ગાંધી જયંતિ દિવસે સાગબારાના ખોપી ખાતે ખેડૂતો દ્વારા સત્યાગ્રહ આંદોલન અને જાહેરસભા યોજાશે

ગુજરાતના જંગલ જમીન ખેડતા હજારોની સંખ્યામાં ખેડૂતો સત્યાગ્રહમાં જોડાશે

રાજપીપલા તા 1

આવતીકાલે ગાંધી જયંતિ દિવસે સાગબારાના ખોપી ખાતે ખેડૂતો દ્વારા સત્યાગ્રહ આંદોલન અને જાહેરસભા યોજાશે.જેમાં ગુજરાતના જંગલ જમીન ખેડતા હજારોની સંખ્યામાં ખેડૂતો સત્યાગ્રહમાં જોડાશે

સરકાર અમારી સાથે દગાખોરી કરી રહી છે એની સામે અમારું આ આંદોલન ચાલુ રહેશેએવી મહિલા આગેવાન લીલાબેન વસાવાની ચીમકી આપી છે.અને આવનારા દિવસોમાં ખેડૂતો ગાંધીનગર ખાતે બળદ ગાડું લઈ સરકાર સામે આંદોલન કરવા જઈશુંએમ જણાવ્યું છે.

આ સભામાં શંકર સિંહ વાઘેલા, વિપક્ષ નેતા તુષાર ચૌધરી, ધારાસભ્ય અનંત પટેલ, કોંગ્રેસ પ્રમુખ અમિત ચાવડા સહિતના આગેવાનો હાજર રહેશેએવી જાણકારી મળી છે.ભાજપ તરફથી સાંસદ મનસુખ વસાવા, ધારાસભ્ય ડો.દર્શનાબેન દેશમુખ અને BTP નાં મહેશ વસાવા અને છોટુ વસાવાને પણ આમંત્રણ અપાયું ch2
બીજી ઓક્ટોબરે ખોપી ખાતે “પુનઃ વન અધિકાર સત્યાગ્રહ” અંતર્ગત જાહેર સભા યોજાશે

આદિવાસી ખેડૂતોના વન અધિકાર, જંગલની જમીન અને પેન્ડિંગ વન અધિકારના દાવાઓ સહિતના પ્રશ્નોને લઈને ૨ ઓક્ટોબર, ગાંધી જયંતિના દિવસે ખોપી, સાગબારા ખાતે “પુનઃ વન અધિકાર સત્યાગ્રહ” અંતર્ગત જાહેર સભાનું આયોજન કરવામાં આવ્યું છે.આ જાહેર સભામાં આદિવાસી ખેડૂતોના પ્રશ્નોને સમર્થન આપવા માટે તમામ વર્ગના આગેવાનો, ખેડૂતો, સામાજિક કાર્યકરો તથા હક-અધિકાર માટે કાર્યરત નાગરિકોને ઉપસ્થિત રહેવા અપીલ કરવામાં આવી છે.જાહેર સભામાં ખેડૂતોના વન અધિકારના દાવાઓનો કાયદેસર અને પારદર્શક નિકાલ, ખેડૂતોના પ્રશ્નોનું યોગ્ય નિરાકરણ તથા અગાઉ થયેલા સમાધાનના અમલ સહિતના મુદ્દાઓ અંગે ચર્ચા કરવામાં આવશે.
આ કાર્યક્રમ શાંતિપૂર્ણ રીતે યોજાશે અને આદિવાસી ખેડૂતોના પ્રશ્નોને લોકશાહી અને કાયદેસર માર્ગે રજૂ કરવામાં આવશે.

તસવીર: દીપક જગતાપ, રાજપીપલા