રાજપીપળા જાહેરમાં ગંદકી ફેલાવનાર ગણ્યાગાંઠ્યા દુકાનદારોને નગરપાલિકાએ નોટિસ ફટકારતા પ્રજામાં રોષ
નોટીસ ઉપર કોઈપણ દુકાનદાર નું નામ કે સત્તાધીશોના સહી સિક્કા વિનાની કોઈ નનામી નોટીસ લારી ગલ્લા ઉપર ચોંટાડી દીધી અણ આવડતનું પ્રદર્શન કર્યું!
શાક માર્કેટ રોડ પર દબાણો કરનાર, રખતા ઢોરો સામે કોઇ નોટિસ કે પગલાં કેમ નહીં?
રાજપીપળા, તા 30
આજ રોજ રાજપીપલા નગરપાલિકા દ્વારા દુકાનદારોને જાહેરમાં ગંદકી ન ફેલાવવા માટે જાણ કરી તેમજ ગણ્યાગાંઠ્યા દુકાનદારોને નોટિસ આપી હતી
આશ્ચર્યની વાતતો એ જોવા મળી કે નોટીસ ઉપર કોઈપણ દુકાનદાર નું નામ કે નગરપાલિકાના સત્તાધીશોના સહી સિક્કા વિનાની કોઈ નનામી નોટીસ લારી ગલ્લા ઉપર ચોંટાડી દીધી અણ આવડતનું પ્રદર્શન કર્યું હતું.આવી નનામી નોટિસથી લોકોને આશ્ચર્ય થયું હતું. અને પ્રજાએ જણાવ્યું હતું કે
શાક માર્કેટ રોડ પર ઠેર ઠેર લારી ગલ્લા વાળાઓ દુકાનદારોએ ઝુલતા પાટીયા, જાહેરાતના બોર્ડ, લટકણીયા, પડદા,વગેરે જાહેર રોડ ઉપર મૂકી બન્ને બાજુના રોડ બ્લોક કરી દીધાં છે. શાકમાર્કેટ રોડ પર ચાલવાં જગ્યા નથી.ત્યા આડે ધડ સ્કૂટરોના પાર્કિંગ થી લોકોઅવર જવર કરી શકતા નથી. શું એ નગરપાલીકાને દેખાતું નથી? ત્યાં કેમ કોઇ દુકાનદારને નોટીશ ફટકારતા નથી.?ગેરકાયદે દબાણો કરનારને ક્યારે નોટીશ નગરપાલિકા ફટકારશે? એની પ્રજા રાહ જોઈ રહી છે.
યારે શું નગરપાલિકા દબાણ દૂર કરશે?.
નગરમાં ઠેર ઠેર ગંદકી છે. ગટરો ઉભરાય છે, ગટરનું ગંદુ પાણી જાહેર રોડ ઉપર વહે છે,ચોમાસા પહેલા કાન્સની સફાઈ કરવાની હોય છે નાની મોટી ગટરો કાદવ કાન્સ
થી ભરેલી છે એની સત્વરે સફાઈ નહીં કરે તો વરસાદમાં ગટરનું ગંદુ પાણી રોડ પર આવી જશે તો રોગચાળો ફાટી નીકળશે. તેની સફાઈ થઈ નથી નગરપાલિકા પહેલા આ કામગીરી પહેલા કરે એવું પ્રજા ઈચ્છે છે
એટલું જ નહીં નગરમાં સૌથી મોટો પ્રશ્ન રખડતા કૂતરાઓને અને રખડતા ઢોરોનો ભારે ત્રાસ છે.આ રખડતા ઢોરોને જાહેર રોડ ઉપર અડ્ડો જમાવી બેઠાં છે અકસ્માત નોતરે છે. ત્યારે પ્રજાની માંગ છે કે નોટિસો આપવાને આપવાને બદલે નક્કર પગલાં ભરે. ઢોર માલિકોને દંડ કરે એમને નોટિસ કેમ આપતાં નથી? રખડતા ઢોરોને પાંજરાપોળ માં કેમ પૂરતા નથી? એવો સવાલ નગરજનો નવા સત્તાધીશોને પૂછી રહ્યાં છે.
તસવીર : દીપક જગતાપ, રાજપીપળા
