ઝડપથી સફેદ થઈ રહેલાં વાળનાં પ્રેમમાં પડવું એને ગમે છે. એના ચહેરા પરની આછીઆછી કરચલીઓમાં કે એના સંતાન માટે કરેલાં ઉજાગરાથી આંખો નીચે થયેલાં કાળા કુંડાળાનાં પ્રેમમાં એ પડી છે.
આ બધું કેમેરો ભલે સંતાડવા મથે પણ એને તો અરીસામાં સાચું પ્રતિબિંબ સ્પષ્ટ દેખાય જ છે. “વધતી ઉંમરનો શણગાર શોભે એટલો જ પણ એથીય વધુ સ્વીકાર હોય”. @followers: એક ‘મા’ ને કોઈ પણ ઉંમરે પોતાના જ પ્રેમમાં પડવાનો અધિકાર છે જ ને વળી !
– વૈભવી જોશી
