****
રાઇઝિંગ બોલિવુડ સ્ટાર તેમજ ભૂતપૂર્વ મિસ વર્લ્ડ માનુષી ચિલ્લરને એસ્ટી લૉડરે પોતાની નવી ગ્લોબલ બ્રાન્ડ એમ્બેસેડર તરીકે જાહેર કરી છે. માનુષી અગાઉ 2022ના પાનખરમાં ‘એસ્ટી લૉડર ઇન્ડિયાના એડવાન્સ્ડ નાઇટ રિપેર’ અભિયાનમાં જોવા મળી હતી. આ મહિનાના અંતમાં ડેબ્યૂ કરીને તેઓ ‘ડબલ વેર સ્ટે ઇન પ્લેસ મેકઅપ’ માટેના ભારતના આગામી અભિયાનમાં દેખાશે. હાલમાં માનુષી એસ્ટી લોડર ગ્લોબલ ટેલેન્ટ રોસ્ટરમાં જોડાય છે, જેમાં ઈમાન હમ્મામ, અદુત અકેચ, એના.ડી.આર્માસ, અમાન્દા ગોર્મન, બિઆન્કા બ્રાન્ડોલિની ડી’અડા, કેરોલીન મર્ફી, ગ્રેસ એલિઝાબેથ, કાર્લી ક્લોસ, કોકી અને યાંગ મીનો સમાવેશ થાય છે.
એસ્ટી લૉડર અને એરીન બ્યુટીના ગ્લોબલ બ્રાન્ડ પ્રેસિડેન્ટ જસ્ટિન બોક્સફોર્ડ કહ્યું કે, એસ્ટી લૉડર પરિવારમાં માનુષીનું સ્વાગત કરવા માટે અમે ખૂબ ઉત્સાહિત છીએ. તેઓ માનુષી રાઇઝિંગ સ્ટાર ઉપરાંત ભારતમાં સકારાત્મક સામાજિક પરિવર્તન લાવવા માટે તેના પ્લેટફોર્મનો સમર્પિત ઉપયોગ કરીને વિશ્વભરમાં મહિલાઓની પ્રગતિને આગળ વધારવા માટે અમારી બ્રાન્ડની પ્રતિબદ્ધતાને વધુ મજબૂત બનાવવા માટે સક્ષમ બનાવશે.
માનુષીએ કહ્યું કે એસ્ટી લૉડર પરિવારમાં જોડાવું એ એક સ્વપ્ન સાકાર થવા જેવું છે. એસ્ટી લૉડર એ એક પ્રતિષ્ઠિત બ્રાન્ડ છે જેની સ્થાપના એક વિઝિનરી વિમેન શ્રીમતી એસ્ટી લૉડર દ્વારા કરવામાં આવી છે, જેમણે સાબિત કર્યું કે સખત મહેનત, જુસ્સો અને સમર્પણ સાથે કંઈપણ શક્ય છે. તેમના જેમ હું વિશ્વભરની મહિલાઓ માટે એક આદર્શ બનવાની આશા રાખું છું, જે તેમને પોતાની જાતમાં અને હકારાત્મક પરિવર્તનને પ્રભાવિત કરવાની તેમની ક્ષમતામાં વિશ્વાસ કરવા પ્રેરણા આપે છે.
એસ્ટી લૉડર ઈન્ડિયાના બ્રાન્ડ મેનેજર દીક્ષિતા શુક્લાએ કહ્યું કે, ભારતભરની યુવા મહિલાઓ માટે પ્રેરણારૂપ માનુષી સુંદરતાની અમારી બ્રાન્ડ ફિલોસોફીને એક હેતુ સાથે મૂર્ત બનાવે છે. માનુષીનું વિઝન અને મહિલા અધિકારોને સમર્થન આપવાનું મિશન અમારા મૂળ મૂલ્યો સાથે એકીકૃત રીતે સંરેખિત થાય છે, જે તેઓને એસ્ટી લૉડર પરિવારમાં સંપૂર્ણ રીતે પરફેક્ટ બનાવે છે.
