……….
***
ચકલી
અરીસાના
માળામાં બેઠેલી
ચકલીને ચાંચથી
ખવડાવે છે…
દાણો.
***
ખાબોચિયામાં
સફેદ વાદળું જોઈ …
ચકલી
સમજી રૂ,
રૂ ચાંચથી
પકડવા ગઈ
પણ….!
***
ચકલીઓ જ નથી…
પછી_
કાગળ પૂંઠાના
માળાઓ
શાને માટે
લટકાવો છો?!
***
વૃક્ષો વિનાના
મારા નગરમાં
માળો શોધવા…
નીકળી છે: ચકલી.
***
અરીસામાં
ઝાડનું
ચિત્ર જોઈને
ચાંચમાં
તણખલુ
લઈ આવેલી
ચકલી
માળો બાંધવા લાગી!
***
તારી બારીએ
બેઠેલી
ચકલી
તે હું છું!
**
ચકલી
કઠીયારાના
માથાના વાળમાં
બનાવે છે
માળો.
***
મોબાઈલ ટાવર પર
ચકલીઓ બેઠી.
બધી જ ચકલીઓ
બેભાન થઈ
નીચે પડી!!!
***
ચકલીઓ જોવા
મહાનગર
મારે ગામ આવ્યું!
***
ચકલી ઈશ્વરને પૂછે…
હવે નવા મકાનની
રચનાના કારણે
હું મારો માળો
તણખલાં લઈ
ક્યાં બાંધું?
***
સવારે બારી ઉપર
બેઠી ચકલી
ઘર કરવા લાગ્યું:
ચીં…ચીં…ચીં…!
***
આજે
મારો તૂટેલો દાંત
ચકલી લઈ ગઈ_
કાલે જરૂર મારો
નવો દાંત ઊગશે…
આભાર માનીશ
હું ભગવાનનો!
***
ચકલીને દાંત નથી,
એ મારો દાંત
લઈ જઈને…
શું કરતી હશે ?!
***
પુંઠાં
ને માટીના
બનાવેલા માળામાં
ચકલી શોધે
પોતાનો
અસલી માળો!
###
બાપુના ગયા પછી
બાપુના
ફોટાની પાછળનો
ખૂણો
બની ગયો છે
ચકલીનો માળો..!
###
ગાંધી બાપુના
ફોટાની પાછળ
બનાવેલા
ચકલીના માળામાં
શાંતિ મંત્ર
સાંભળ્યા પછી
બહાર આવેલી
ચકલી
પંખાની પાંખના
એક્કી ઝપાટે..!
###
ચકલીની ચાંચ
એટલે
માળા ગુંથવાની
સોય..!
###
…………………………………….
