ગુજરાત લો સોસાયટી સંચાલિત એચ.એ.કોલેજ ઓફ કોમર્સ ધ્વારા એક અનોખો કાર્યક્રમ યોજાઈ ગયો. આ કોલેજનો વિદ્યાર્થી અનીલ સીંગ ૧૯૮૭માં એચ.એ.કોલેજના બીજા વર્ષના વિદ્યાર્થી તરીકે એમના જીવનમાં પ્રથમ વાર બ્લડ ડોનેટ કરે છે. ત્યારબાદ એક જવાબદાર નાગરીક તરીકે ૧૨૪ વાર બ્લડ ડોનેટ કરે છે. અનીલ સિંગના ૬૦માં જન્મદિવસે ૧૨૫મી વાર ૪૦ વર્ષ પછી ફરી પોતાના જન્મદિવસે એચ.એ.કોલેજમાં બ્લડ ડોનેટ કરી ઈતિહાસ રચ્યો છે. આ પ્રસંગે કોલેજના પ્રિન્સીપાલ સંજય વકીલે કહ્યું હતુ કે સમાજ પ્રત્યે કૃતજ્ઞતા તથા જવાબદારી સાથે અનીલ સિંગે ૧૨૫ વાર બ્લડ ડોનેટ કરી મોટી સિધ્ધી મેળવી છે. આ અસાધારણ સિધ્ધિ પ્રાપ્ત કરવા બદલ એચ,એ,કોલેજ તરફથી સન્માનપત્ર તથા મેમેન્ટો આપી અનીલ સિંગને સન્માનીત કર્યા હતા. પોતાનો પ્રતિ ભાવ આપતા અનીલ સિંગે કહ્યું હતુ કે મારા બાળપણથીજ સમાજ સેવાનું ધ્યેય અને લક્ષ્ય હતુ. આવી અવિરત સેવાને લીધે કોલેજના ઘણા વિદ્યાર્થીઓ બ્લડ ડોનેટ કરવા પ્રેરીત થયા છે. આ કાર્યક્રમનું સંચાલન કોલેજના પ્રા.ચેતન મેવાડાએ કર્યું હતુ.
