જયપુરની સવાઈ માન સિંહ હોસ્પિટલના ડોક્ટરોએ પેટના દુખાવાથી પીડાતી ૧૪ વર્ષની છોકરીના પેટમાંથી ૨૧૦ સેમી લાંબો ટ્રાઇકોબેઝોઅર (વાળનો ગુચ્છો) સર્જરી દ્વારા દૂર કર્યો છે. ડોક્ટરોનો દાવો છે કે આ દુનિયાનો સૌથી લાંબો ટ્રાઇકોબેઝોઅર છે.
આગ્રાના બરારા ગામની ૧૪ વર્ષની છોકરી એક એવી બીમારીથી પીડાતી હતી જેમાં દર્દી ચાક, દોરો, માટી, લાકડાના ટુકડા વગેરે ગળી જાય છે. આ એક માનસિક સ્થિતિ છે જેમાં વ્યક્તિ અખાદ્ય વસ્તુઓ પણ ખાઈ જાય છે.
