ગત તારીખ ૩૦ મેના રોજ પંજાબના અમૃતસર થી જમ્મુ કાશ્મીરના વૈષ્ણોદેવી જતી એક યાત્રી બસને જમ્મુ નજીક ભયંકર અકસ્માત નડ્યો હતો અને આ અકસ્માતમાં બસના ચાલક સહિત 10 લોકોના મૃત્યુ થયા હતા અને 59 જેટલા યાત્રીઓ ઘાયલ થયા હતા. પૂજ્ય મોરારીબાપુ આ તમામ મૃતક પ્રત્યે તેમની શ્રદ્ધાંજલિ સમર્પિત કરી છે અને પ્રત્યેક મૃતકના પરિવારજનોને ₹20,000 લેખે રૂપિયા બે લાખની સહાયતા રાશિ અર્પણ કરેલ છે. આ કરુણ અને દુઃખદ ઘટનામાં જે લોકો ઘાયલ થયા છે એ 59 ઘાયલોને પ્રત્યેકને રુપિયા પાંચ હજાર લેખે કુલ મળીને ૨,૯૫૦૦૦ ની સહાય અર્પણ કરી છે અને આમ કુલ મળીને રુપિયા ચાર લાખ પંચાણું હજારની સહાય અર્પણ કરી છે.
આ દુઃખદ ઘટનામાં માર્યા ગયેલાઓના નિર્વાણ માટે પુજય બાપુએ પ્રાર્થના કરી છે અને તેમના પરિવારજનોને દિલસોજી પાઠવી છે. ઘટનામાં ઘાયલ લોકો ઝડપથી એમનું સ્વાસ્થ્ય પ્રાપ્ત કરે તેવી પણ શુભેચ્છાઓ પાઠવી છે.
