અમદાવાદ
સંજીવ રાજપૂત
અમદાવાદમાં કીર્તિદાન ગઢવીના ગીતો ગરબામાં માચાવશે ધૂમ
અમદાવાદ ખાતે પ્રથમ વખત નવરાત્રીમાં “ધ કિર્તીદાન ગઢવી દાંડીયા ધમાલ -2022″નું આયોજન થવા જઈ રહ્યું છે આયોજન
નવરાત્રીને આડે થોડો સમય જ બાકી રહ્યો છે ત્યારે ખેલૈયાઓની થનગનાટમાં વધારો કરવા અને ઉત્સાહ ભરવાના હેતુસર અમદાવાદમાં પ્રથમ વખત નવરાત્રીમાં “ધ કિર્તીદાન ગઢવી દાંડીયા ધમાલ”નું આયોજન કરવામાં આવી રહ્યું છે જેનું એનાઈન્સમેંટ આજે કરવામાં આવ્યું હતું. 26 સપ્ટેમ્બરથી લઈને 5 ઓક્ટોબર દરમિયાન કેડી ફાર્મ, એસ.જી. હાઈવે અમદાવાદ ખાતે આ આયોજન કરવામાં આવ્યું છે.
આ વખતની નવરાત્રી અમદાવાદીઓ માટે સ્પેશિયલ બનવાની છે. ફોક લાયન ઓફ ગુજરાત તરીકે જાણીતા કિર્તીદાન ગઢવી વિદેશોમાં જઈને ગરબાના શો કરતા હોય છે ત્યારે આ વખતની નવરાત્રીમાં અમદાવાદમાં કેડી ફાર્મ પર રહીને ખુદ ગરબાઓ ગાઈને લોકોને ગરબાના તાલે ઝૂમવા પર મજબૂર કરી દેશે. 100થી વધુ શો યુએસએમાં તેમજ 2000થી વધુ શો વર્લ્ડ વાઈડ કિર્તીદાન ગઢવી કરી ચૂક્યા છે. ત્યારે નવરાત્રીના પ્રથમ છ દિવસ ગુજરાતના લોકલાડીલા ગાયક કિર્તીદાન ગઢવીનો આ લ્હાવો મળશે.
ધ કિર્તીદાન ગઢવી દાંડીયા ધમાલના મુખ્ય સ્પોન્સર્સ એવા “એમઝોન વર્લ્ડ વાઈડ ઈવેન્ટ” દેવાંગ ભટ્ટ તેમજ “માલધારી કોર્પોરેશન” મિતેશ માલધારી તેમજ “યો-રમી” યોગેશ રમી છે.
છેલ્લા બે વર્ષથી કોરોનામાં નવરાત્રીનું આયોજન થઈ શક્યું નથી ત્યારે આ વખતે ખેલૈયાઓએ મનભરીને ડોલાવવાનું આયોજન આયોજકોએ પણ કરી લીધું છે. નવરાત્રીની જેટલી આતુરતાથી રાહ જોવાઈ રહી છે એટલી જ રાહ ખેલૈયાઓ અત્યારથી જ “ધ કિર્તીદાન ગઢવી દાંડીયા ધમાલ”ની જોઈ રહ્યા છે.
કિર્તીદાન ગઢવી દાંડીયા ધમાલ 2022 વિશાળ વિસ્તારમાં યોજાનાર છે.
ઉચ્ચ ગુણવત્તા સાથેના થીમ બેઝ ડેકોરેશન આકર્ષણનું કેન્દ્ર રહેશે. જાહેર સલામતી અને સેવા માટે પૂરતી પાર્કિંગ સુવિધા અને સુરક્ષા, બાઉન્સર, સીસીટીવી કેમેરાની વ્યસ્થા ઉપલબ્ધ કરાવવામાં આવશે તથા સેલિબ્રિટીઝ, મુખ્ય મહેમાનો, લાઈવ એનાઉન્સમેન્ટ, એલઈડી, થીમ્સ, ઈવેન્ટના મુખ્ય આકર્ષણો હશે. સાંસ્કૃતિક જૂથો, વ્યવસાયિક ગરબા ગ્રુપો, પરંપરાગત ગરબા ગ્રુપ પણ રમઝટ જમાવશે. ગરબા મેદાનનું વિશાળ આયોજન અને પ્રેક્ષકો અને VIP પેવેલિયન માટે બેઠક વ્યવસ્થા પણ પૂરી પાડવામાં આવશે. આ સિવાય ઉચ્ચ-ગુણવત્તાવાળી સાઉન્ડ સિસ્ટમ, લાઇટિંગ સિસ્ટમ, સ્વચ્છતા, ગ્રીન નેટ, ગ્રીન રૂમ, પબ્લિક ટોઇલેટ, વીઆઇપી એન્ટ્રી ગેટ્સ-પાર્કિંગ તથા પ્રોફેશનલ ફોટોગ્રાફી અને ઇવેન્ટની વિડિયોગ્રાફી થકી સ્થાનિક ટીવી નેટવર્ક પર લાઇવ-કવરેજ જોવા મળશે.
બાઈટ: કીર્તિદાન ગઢવી
