ઓડિશા જગરનોટ્સે સતત છઠ્ઠો વિજય મેળવીને પોતાનું શાનદાર પ્રદર્શન ચાલુ રાખ્યું છે જ્યારે ગુજરાત જાયન્ટ્સ રવિવારે મહારાષ્ટ્રના પૂણેના શ્રી શિવ છત્રપતિ સ્પોર્ટ્સ કોમ્પ્લેક્સ, મહાલુંગે ખાતે અલ્ટીમેટ ખો ખોમાં રાજસ્થાન વોરિયર્સ સામે જીત મેળવી હતી. આ બંને ટીમો પહેલેથી જ પ્લેઓફમાં પોતાનું સ્થાન નિશ્ચિત કરી ચૂકી છે.
સૂરજ લાડેએ 10 પોઈન્ટ મેળવવા માટે ચાર ડિફેન્ડર્સને પકડ્યા હતા જ્યારે વિશાલે મેટ પર 3.53 મિનિટ વિતાવવા માટે જબરદસ્ત પ્રદર્શન કર્યું હતું, જેમાં ઓડિશા જગરનોટ્સ માટે છ બોનસ પોઈન્ટ ઉમેર્યા હતા કારણ કે તેઓએ 48-39ના સ્કોર સાથે નવ પોઈન્ટથી અદભૂત પુનરાગમન કરીને જીત મેળવી હતી.
રાજસ્થાન વોરિયર્સ માટે અક્ષય ગાનપુલેએ નિર્ણાયક અંતિમ ટર્નમાં 3.24-મિનિટના ડિફેન્સ સાથે સ્કોર્સને બરાબરી કરવા માટે ચાર પોઈન્ટનો શાનદાર દાવો કર્યો હતો પરંતુ માત્ર સાત સેકન્ડ બાકી હતી ત્યારે નિલેશ પાટીલે તેને આઉટ કરીને 42-40થી રોમાંચક જીત અપાવી હતી.
ગુજરાત જાયન્ટ્સની જીતમાં અભિનંદન પાટીલે 13 પોઈન્ટ મેળવ્યા હતા જ્યારે રાજસ્થાન વોરિયર્સ માટે હૃષિકેશ મુર્ચાવડેએ 17 પોઈન્ટ કર્યા હતા.
રાજસ્થાન જે પોતાની પ્રથમ જીતની શોધમાં હતી તેણે ગુજરાત જાયન્ટ્સ સામે મજબૂત પડકાર ફેંક્યો. જો કે, વિપક્ષના પડકાર છતાં ગુજરાત જાયન્ટ્સ પ્રથમ દાવ બાદ 20-19ના સ્કોર સાથે એક પોઈન્ટની સાંકડી લીડ લેવામાં સફળ રહી હતી.
રાજસ્થાન ત્રીજા ટર્નમાં 36-22ની લીડ મેળવવા માટે માત્ર 16 પોઈન્ટ ઉમેરી શક્યું હતું, પરંતુ ગુજરાત જાયન્ટ્સે સારી લડત આપીને જીત મેળવી હતી.
અગાઉ, ઓડિશાએ ડિફેન્સ કરીને મેચની શરૂઆત કરી હતી. કેપ્ટન પ્રતિક વાયકરે 3.59 મિનિટના ડિફેન્સ સાથે ટેબલ લિસ્ટમાં વધુ બે બોનસ પોઈન્ટ ઉમેર્યા હતા .
ઓડિશા જગર્નોટ્સના ડિફેન્ડર્સ વિશાલ અને સુભાસીસ સંત્રાએ ત્રીજા ટર્નમાં તેલુગુ યોદ્ધાને માત્ર 19 પોઈન્ટ આપ્યા હતા. જ્યારે વિશાલે 3.53 મિનિટ સુધી ડિફેન્સ કરીને છ પોઈન્ટ બનાવ્યા, જ્યારે સંત્રાએ 2.42 મિનિટમાં બે બોનસ મેળવ્યાં હતાં
ટેબલ-ટોપર્સ ઓડિશા જગર્નોટ્સે નિર્ણાયક અંતિમ ટર્નમાં વિરોધી ટીમના નવ ખેલાડીઓને આઉટ કર્યા હતા. આમ 22 પોઈન્ટ મેળવીને સતત છઠ્ઠી જીત નોંધાવી હતી.
સોમવારે ચેન્નાઈ ક્વિક ગન્સ મુંબઈ ખિલાડી સામે ટકરાશે. જ્યારે તેલુગુ યોદ્ધાઓ ગુજરાત જાયન્ટ્સ સામે ટકરાશે.
અલ્ટીમેટ ખો ખો, ભારતની સૌપ્રથમ ફ્રેન્ચાઈઝી આધારિત ખો-ખો લીગ, ખો ખો ફેડરેશન ઓફ ઈન્ડિયાના સહયોગથી અમિત બર્મન દ્વારા પ્રમોટ કરવામાં આવે છે.
