વિશ્વા રાવલ : અમદાવાદની યુવતીએ બનાવ્યું ભારતીય હોવાનું ગર્વ જગાડતું ગીત.

આંતરરાષ્ટ્રીય કલા સાહિત્ય ગુજરાત ટેક્નોલોજી ધાર્મિક બિઝનેસ ભારત મનોરંજન રમત જગત સમાચાર

એ અમારું કામ નથી. એવું કહેવાનું કેટલું સરળ છે? રસ્તા પર જતા હોઈએ અને અચાનક કોઈક સાઈન બોર્ડ ન દેખાય તો વિચાર આવે કે કોઈ એ ઉપાડી ગયું હશે? સરકારના નિયમોનું પાલન કરાવવા એમને ઘણી મહેનત પડે. આવી અનેક બાબતોથી સમજાય કે દેશપ્રેમ માત્ર અમુક દિવસે જ જાગે છે. કોરોના કાળમાં ડોકટરો પર જવાબદારી આવી જાય, યુદ્ધ ના ભણકારા વાગે અને સૈન્ય અને સરકાર થી લોકોની અપેક્ષા વધી જાય. એક સામાન્ય નાગરિક દેશ પ્રત્યેની નિષ્ઠા જગાવે એ ખુબ જ જરૂરી છે.
સરહદો પરની સમસ્યાઓ સરકારે આવા વિકટ સમયમાં ખુબજ સુંદર રીતે ઉકેલવા પ્રયત્ન કર્યો. એ સરાહનીય છે. સરહદ પર સૈનિકો છે એટલે આપણે સુરક્ષિત છીએ. આખો દેશ જયારે ઘરમાં હતો ત્યારે કેમ કોઈ વિદેશીઓ આપણા સુધી પહોંચી ન શક્યા? આપણી સુરક્ષા માટે કેટલા બધા લોકો પોતાની ખુશીઓ કુરબાન કરે છે? આપના પ્રધાનમંત્રી શ્રી નરેન્દ્રભાઈ મોદી અને ભારતીય સૈન્યની કામગીરીને બિરદાવવા ગુજરાતની ટીનેજર વિશ્વા રાવલે એક સુંદર ગીત બનાવ્યું છે. જેના શબ્દો છે,
જાગ ઉઠી હે સરહદે, જાગો દેશ વાસીઓ.
સડકો પે મરને સે અચ્છા, દેશ પે જાન કુરબાન હો….
આ ગીત જાણીતા વાસ્તુ નિષ્ણાત મયંક રાવલે લખ્યું છે. જાણીતા ગાયિકા માયા દીપકે તેનું કમ્પોઝીસન કરી અને ગાયું છે. માયા બેનનું માનવું છે કે જેમ ચીન સાથેના યુદ્ધ પછી એ મેરે વતન કે લોગોએ જુવાળ ઉભો કર્યો હતો એવો જુવાળ આ ગીત થકી ઉભો થશે, જો દેશના લોકો એ માટે સહકાર આપશે તો.
ગીતના શબ્દો સમગ્ર દેશવાસીઓ માટે એક ખુબ સુંદર સંદેશ આપે છે. આ ગીતની વિડીઓ નું ડાયરેકશન અને એડીટીંગ વિશ્વા રાવલે કર્યું છે. સંગીત જીગ્નેશ રાવ,જીનય સોની અને અજય પટેલે આપ્યું છે. ગીતનું શુટીંગ સુરમ્ય ફાર્મ પર થયું છે. આ સ્વાતંત્ર દિવસે આ ગીતને સાર્થક કરીએ. સાચો દેશ પ્રેમ દેખાડીએ અને આપણા સૈન્ય અને આપણા પ્રધાનમંત્રીને દેશને આગળ લાવવામાં સહકાર આપીએ. આ ગીત નીચેની લીંક પર જોઈ અને સાંભળી શકાશે.

TejGujarati