*પછેડી* ને છેડે *પિતાનું* વ્હાલ !

આંતરરાષ્ટ્રીય ઓટોમોબાઇલ કલા સાહિત્ય ગુજરાત ટેક્નોલોજી ધાર્મિક ભારત સમાચાર

આપણી સાંપ્રત સંસ્કૃતિ નામ સમરણ ને મહત્વ આપે છે .આજ ની ઘડીએ સૂર્ય ગ્રહણ ચાલે ત્યારે જેટલું ઈશ્વરનું નામ લેવાય તેટલું ઓછું કહેવાય .
ધરતીનો છેડો ઘર ” એ કહેવાતમા ઘરનું મહત્વ કેટલું છે તે આપોઆપ સમજ આપે છે , ઘર હોય એટલે સંવેદના ,વેદના,મમતા, બંધુ ભાવ, કુટુંબ ભાવના વગેરે મનમાં ખ્યાલ આવે ને તે ભાવને આત્મસાત કરવાથી જ ઘર મજબૂત રહે છે . પશ્ચીયાત સંસ્કૃતિ અલગ ખરી પણ તેઓ પણ સબંધો ઉજવે ખાસ કરી રવિવારે જ તેઓના વર્ષના ખાસ સબંધ ઉજવે એટલે બધાએ અનુકૂળતા રહે ને તેમાં ખોટું નથી ,આપણે ટીકા કરતા હોઈએ કે એવું તે હોતા હશે ,બધા દિવસ સરખા જ હોય ” છતાં પણ દરેક સંબંધની તિથિ એ યાદ કરી પોતાની લાગણી વ્યક્ત કરી કામે વળગી જવું તે યંત્રવત સંયોગ કહેવાતો હશે પણ તેમાં ખોટું નથી ! . આજનો દિવસ તેઓ માટે ફાધર્સ ડે ” તરીકે ઉજવાય !
માં” જગત જનનની ને સહુ કોઈ યાદ કરે , જગત નો તાત ખેડૂત ને પ્રકાશનો પિતા સૂર્ય , ઔષધિ પતંજલિ ઋષિ, દેવ ધન્વંતરિ ને અશ્વિની કુમારો , પાલનહાર શ્રી વિષ્ણુ ને કામસુખના કામદેવ , વગેરે અનેક દેવો આપણા પિતા જ છે કે જેનાથી આપણું જીવન ટકે છે .
જેમ પાલવના છેડે માતૃત્વ છલકે છે ,તેમ પછેડીના છેડે *પિતાનું* *વાત્સલ્ય* ટપકે છે. પિતાનું વાત્સલ્ય નેપથ્યથી આવે ને માતાનું માતૃત્વ મંચ ઉપર ભાગ ભજવે છે તેવું રંગમંચ ની ભાષામાં કહેવાય .
*પાલવ* અને *પછેડી*
માતા અને પિતા ના સાંકેતિક પહેરણ છે . સંતાન પાલવ પાછળ છુપાઈને પોતાને રક્ષિત રાખે ને પિતા પોતાની પછેડીમા ઉમંગ લાવી ઘરને આનંદિત રાખે છે .
પછેડી પિતાની કીર્તિનું પ્રતીક છે તેવા પિતાને કેવી રીતે યાદ કરવા કે યાદ રાખવા કે પિતાનો સ્નેહ કે કૃપા મેળવવા કેવા કર્મો કરવા તે વિચારવું રહ્યું ,પિતા શબ્દ એ ખોબા કે ખોળામાં સમાય શકે તેવો નથી .પિતા એ વૈશ્વિક વિશ્વાશ છે ને વિશ્વાસ જળવાય તે ઉભય પક્ષનું કર્તવ્ય છે . બાકી જે સૂર્યથી ચંદ્રમા પ્રકાશિત રહે છે તે જ ચંદ્ર સૂર્યને ગ્રહણ લગાવી શકે છે . પિતાના સંબંધને ગ્રહણ ના લાગે અને આજના *ફાધર્સ* ડે ! શુભેચ્છા અને ગ્રહણ કાળમાં ઈશ્વર સ્મરણ રહે તેવી પ્રાર્થના અને દિવસ શુભ મંગલ રહે !?
હૃદય થી.

TejGujarati