“ રાજકોટ “ દુનિયા આખી માં કહેર છે, પણ અમારે રાજકોટમા લહેર છે! – હિતેશ રાયચુરા

ભારત

બે સમય મળે છે જમવાનું
અને બે ટાઈમે મળે છે ચા,
વોટસ એપ ની શાયરી ઓ પર
કરીએ છે વાહ વાહ…
બપોરે સૂવાની મજા અનેર છે,
અમારે રાજકોટમા લીલા લહેર છે!

ભાઈ ફરે ચડ્ડી પહેરી અને
બહેન ફરે છે ગાઉન માં!
ઝઘડા થઈ ગયા બંધ બધા
સૌ ખોવાયા ટીવી ના સાઉન્ડ માં!
વર્ષો પછી હાથમાં પત્તા ની પેર છે,
અમારે રાજકોટમા માં લીલા લહેર છે!

ઘટી ગયા ખર્ચ ઘર ના અને
વધી ગઈ છે બચત હવે,
મોહ મોંઘા નાસ્તા નો ય ગયો
ઘર ના થેપલા ભાવે હવે!
હોટેલો વિનાનું હવે શહેર છે,
અમારે રાજકોટમા લીલા લહેર છે!

પીઝા બંધ, અને પાસ્તા એ બંધ,
શરીર બગાડનાર નાસ્તા એ બંધ,
ઘર માં બને તે ભુલાતું હતું,
તેની સાથે બંધાયા ફરી સંબંધ!
ઘરવાળી ના હાથ ની મહેર છે,
અમારે રાજકોટમા લીલા લહેર છે!

સાથે મળી ને કરીએ છે રસોઈ,
થઇ એ રાજી એને ચાખી જોઈ,
ઘર ને કરીએ છે ચોખ્ખું ચણાક,
કામ કરીએ એવું કે આવે નહિ વાંક,
કરવા જેવા કામ ઘરમાં અનેક છે,
અમારે રાજકોટમા લીલા લહેર છે!

ગીત ગઝલ અને સંગીત ની મજા,
યુ ટ્યુબ ના સથવારે ગીતો ની મજા,
ગમતા ગીતો ના સંગાથ માં હવે,
રોજિંદી બની ગઈ છે રજા….
વોટસ એપ માં આવતા વીડિયોની
ભરમાર આઠે પ્રહર છે..
અમારે રાજકોટમા લીલા લહેર છે!

છે બંધ મંદિરો, અને
છે મસ્જિદ ને તાળા,
પૂનમ ભરવા વાળા ઘેર બેઠા
ફેરવે છે જૂની માળા..
તોય જીવન માં ક્યાં કઈ ફેર છે?
અમારે રાજકોટમા લીલા લહેર છે!

મોઢા પર બંધાયા માસ્ક છે
હાથ ઉપર ના કોઈ ટાસ્ક છે
ફોન પણ ઝાઝા વાગતા નથી
ના ટેન્શન ના ત્રાસ છે…
કેવું ડાહ્યા દીકરા જેવું શહેર છે,
અમારે રાજકોટમા લીલા લહેર છે!

દુનિયા આખી માં કહેર છે,
પણ અમારે રાજકોટમા લીલા લહેર છે!

TejGujarati
  •  
  •  
  •  
  •  
  •  
  •