બાહુબલી -૩ – વિશ્વા રાવલ

કલા સાહિત્ય ગુજરાત ભારત

બાહુબલી -૩
રવિવારની સવાર બહુ ખાસ હોય છે. એવી માન્યતા છે કે ઈશ્વરે રવિવારે પૃથ્વી બનાવેલી એટલે એ દિવસે રજા રાખવી જોઈએ. ચર્ચાનો વિષય છે, પણ શ્વેત પ્રજા એ કહ્યું છે એટલે માની લેવાનું.
આપણે એમની દરેક વાત માનવ ટેવાઈ જો ગયા છીએ. એમ તો જોકે એ લોકો કાયમ બધાને બનાવતા જ હોય છે. વળી આપણા દેશમાં જે લોકો સહુથી વધારે બનાવે છે એમને કાયમ વેકેશન જેવું જ હોય છે ને? પણ હા, પાંચ દિવસનું અઠવાડિયું કર્યા બાદ શનિવારે ઈશ્વરે શું કરેલું તેની વાત ક્યાંય નથી અને એ પણ બીજા અને ચોથા શનિવારે જ. રવિવારે આવું વિચારવાનો સમય મળી જાય છે એટલેજ તે ખાસ છે. હજુ તો માંડ પગ લાંબા કરીને ચાની બે ચુસ્કી મારી હશે ત્યાં ફોનની રિંગ વાગી. આ સેલ ફોન પણ મજાની વસ્તુ છે. માણસો આપણને ગમે ત્યાં ખલેલ પહોંચાડી શકે અને આપણે તેને “રસ્તામાં છું” કહીને તેમના મૂળભૂત વિચારને બગાડી નાખીએ. તે બીચારા વિચારે કે આ માણસ આખી જિંદગી રસ્તા પર હોય છે, તો ઘર શું કામ લીધું હશે? મેં ફોન ઉપાડ્યો એટલે સામેથી અવાજ આવ્યો, “ગયા અઠવાડીએ સ્ટોરીમિરર દ્વારા ઓથર ઓફ ધ વીક થયા તે જ બોલો છો?”
મેં હકારમાં માથું હલાવ્યું પછી યાદ આવ્યું કે તે માણસ સામે નથી. હજુ હું કઈ બોલું તે પહેલાં તેણે જણાવ્યું કે અમે બાહુબલી-૩ બનાવીએ છીએ અને એની સ્ક્રિપ્ટ માટે આપણે મળવું છે. અમારા લેખકની ડિમાન્ડ વધી છે એટલે તે હવે સિરિયલ લખી રહ્યા છે. અને તમે જાણો છો કે સિરિયલો તો બહુ લાંબી ચાલતી હોય છે. મને જરૂર કરતા વધારે હરખ થતા મેં બે ત્રણ વખત માથું હલાવીને જવાબ આપ્યો.
“હા, કેમ નહિ? પણ આપણે મળીએ.” રવિવારે સાંજે જ મળવાનું નક્કી થઈ ગયું.
જીન્સ અને કુર્તી પહેર્યા પછી મેં ખભા પર બગલ થેલો લગાવી દીધો. થોડું સાહિત્યકાર જેવું લાગે ને? પગથિયાં ઉતરીને ચાના અડ્ડા પર ગયા બાદ ભીડમાં નજર કરી પણ પછી યાદ આવ્યું કે હું તો તેમને પહેલી વખત જ મળું છું. અચાનક એક કાળાડિબાંગ ભાઈ મારી પાસે આવ્યા અને પોતાનું કાર્ડ આપ્યું. હું તેમની પાછળ એક ટેબલ સુધી ગઈ. શુસોભન ખુબ જ સરસ હતું. ધીમા અવાજે સંગીત ચાલતું હતું. એક દીવાલ પર મોટું ટીવી હતું જેનો અવાજ બંધ કરી દેવામાં આવ્યો હતો. ભરચક જગ્યામાં બધાં પોત પોતાની વાત કરતા હતા એટલે ઘોંઘાટ પણ સારો એવો હતો.
એક જાડા ઊંચા મોટા ચાંદલાવાળા બહેને બધાનો પરિચય આપ્યો પછી વાત શરુ થઈ.
મેં જણાવ્યું કે, “તમે શ્રીદેવીને લેવા માંગો છો તો તમે એને હીરોની મા તરીકે લઈ શકો. આમ પણ રામિયા તો મરી ગઈ છે. તો હીરોની માની તો જરૂર પડશે જ.
પેલા બેને મને પૂછ્યું, “તમે પહેલાં એકતા સાથે કામ કરતા હતા?” મેં માથું ધુણાવ્યું.
“અરે ના, ના. રામિયાની ગેર સમજ થઈ હોય છે કે બાહુબલીની મા મરી ગઈ છે. પણ તે જીવતી નીકળે છે.” બધાને વિચાર બહુ ન ગમ્યો પણ પછી મોટી આંખો વાળી હિરોઈનની જરૂર દર્શાવતા મારી વાતને વિચાર પર લેવા કહ્યું. મેં કહ્યું કે, “આ વખતે બાહુબલી છોકરીને બનાવીએ.” બધાની આંખો પહોળી થઈ ગઈ. મેં સમજાવ્યું કે, “બેટી બચાવો અભિયાનને આપણી ફિલ્મ સાથે જોડી દઈએ તો સરકારી મદદ પણ મળી રહે. અને આપણે એ સસ્પેન્સ રાખીશું. જેમ ખુદા ગવાહમાં શ્રીદેવીનો સાફો ખુલી જાય છે, તેને તમે પહેલા પણ ચોરી કરેલું…” તેમણે મારી વાત કાપતા કહ્યું કે, “એને ચોરી નહિ પણ પ્રભાવિત થવું ગણાય.” હું પણ તેમની વાતથી પ્રભાવિત થઇ. પેલા બેને મને પૂછ્યું,” શું લેશો?” મેં મારી ફી જણાવી એટલે તેમણે મને મેનુ કાર્ડ આપીને પૂછ્યું,” આમાંથી શું લેશો?” મેનુ વાંચતા લાગ્યું કે આલોકો સાચેજ વધારે પૈસા કમાયા હશે. પણ મારે ક્યાં બિલ ભરવાનું હતું? મેં ખાલી કોફી મંગાવી.
“પિક્ચર ની શરૂઆતમાં એક મોટી આંખ વાળી સ્ત્રી ભાગતી ભાગતી આવે છે અને કહે છે ” આને બચાવો. તે પોતાના ગળા માંથી એક માદળિયું કાઢી ને બાળક ને પહેરાવી ને મરી જાય છે.” ” પણ આવું તો બાહુબલી-૧ માં હતું!” પેલા જરાક અકળાયા. ” અરે સાહેબ આ વખતે કૈક જુદું હશે. પેલું બાળક છોકરી હશે ને પેલી સ્ત્રી શ્રીદેવી.” શ્રીદેવી નું નામ ચાલી ગયું. પણ મને સમજાવવામાં આવ્યું કે આ ફિલ્મ માં તે છાનીમાની કોઈનું ખૂન કરવા નહિ જાય. તે મહારાણી હશે. એને ખાલી કટ્ટપા ને આવું નાનું નાનું કામ સોંપી દેવાનું હોય. આ બાહુબલી છે ‘મોમ’ નહિ.” વાત આગળ ચાલી,” નાનપણ થી લેડી બાહુબલી ને સપના માં બે મોટી મોટી આંખો દેખાતી હોય છે અને સંગીત સંભળાતું હોય છે,” મેં રૂપ કી રાની તું ચોરો કે રાજા.” તે ઝબકીને જાગી જતી હોય છે. એ એના નવા માબાપ સાથે છોકરો બની ને ખેતી કરવા જતી હોય છે એટલે એનામાં ખુબ તાકાત આવી જાય છે. એક દિવસ એ નદી ના ધોધ પાસે બેસી ને તેના હથિયાર ને ધાર કાઢતી હોય છે ત્યાં એક મહોરું તેની પાસે ઉડીને આવે છે.” પેલા બહેને વાત કાપી,” આતો બાહુબલી-૧ માં હતું.” મેં સમજાવ્યું કે કેટલીક હિટ વાતો ફરી બતાવીએ તો વાંધો નહિ. નમકહલાલ નું પગ ઘૂંઘરું ગીત છે તેની પહેલા ના સીન ” ધ પાર્ટી” માંથી જ લેવામાં આવ્યા છે ને? કોઈ ને ખબર પડી? કોહિનૂર નો અરીસા વાળો સીન અમર અકબર એન્થોની માં પણ છે જ ને? આપણે તો પ્રભાવિત થઈએ છીએ.” બધા ની આંખો મારા પર ચોંટી ગઈ. મેં આંખ પટપટાવી જેથી એલોકોનું ધ્યાન વાર્તા પર આવે.” પેલી છોકરી માં અચાનક તાકાત આવી જાય છે અને તેને એ મહોરાંમાં પેલી આંખો દેખાય છે. બેકગ્રાઉન્ડ માં એક ગીત વાગે છે. એ કુદકા મારતી એક હજાર ફૂટ ઉપર જતી રહે છે. ત્યાં એ પોતાની પાઘડી ઠીક કરતી હોય છે અને અચાનક બુમાબુમ થાય છે. એક છોકરો ભાગતો હોય છે જેની પાછળ ઘણા બધા શિકારીઓ પડ્યા હોય છે. આ છોકરી પેલું મહોરું લઈને બધાને મરી નાખે છે.” બધાએ શ્વાસ છોડ્યો. મેં કહ્યું,” હવે વાર્તા ચટપટી થશે. પેલો યુવાન બાહુબલી નો ભાઈબંધ બની જાય છે. તે પેલાને પોતાના કબીલામાં લઇ જાય છે. બધા બહુ રાજી થાય છે કારણ કે દેવી ના મહોત્સવ માં બલી ચડાવવા માટે કોઈ મળ્યું નથી હોતું. બાહુબલી ને તૈયાર કરવા જતા એ લોકો ને ખબર પડે છે કે આ બલી ને લાયક નથી. અહીં આપણે બેટી હોવાનો એક ફાયદો દર્શાવી રહ્યા છીએ.” બધા પ્રભાવિત થઇ રહ્યા હતા.” પછી બાહુબલી ને જ બલી શોધવાની જવાબદારી સોંપવામાં આવે છે. તે નજીક ના ગામ માં જાય છે જ્યાં એક મોટો મહેલ હોય છે. તેની પાસે એક મોટું ચોગાન હોય છે જ્યાં એક રાણી જેવી દેખાતી મોટી આંખો વાળી સ્ત્રી પગમાં સાંકળ બાંધી ને સૂતી હોય છે.” પેલા બેને મારી વાત કાપી. પણ એને તો આપણે બાહુબલી-૨ માં મુક્ત કરી દીધી હતી.” મેં સમજાવ્યું કે તેને વિસ વરસ માં સાંકળ ની આદત પડી ગઈ હતી. દો આંખે બારહ હાથ વાળો સીન?”
” પેલી સ્ત્રી એને બધીજ વાત સમજાવે છે કે તળેટી માં નેત્રા દેવીનું મંદિર છે જેની પૂજા કરવા થી પ્રદેશ ની રક્ષા થાય છે. બાહુબલી -૨ ત્યાં દર્શન કરવા ગયો પણ પાછો જ ન આવ્યો. એટલા માં ખબર પડી કે તેની સાસુ જીવે છે એટલે તે મળવા ગઈ. સાસુ પોતાની વહુ કરતા પણ જુવાન લાગતી હતી. કારણ કે તે શ્રીદેવી હતી. સાસુની મોટી આંખો થી અંજાઈ ને તે ઘરની બહાર રહેતી. વહુ એ દીકરી ને જન્મ આપ્યો. એટલે તેને દૂધ પીતી કરવા અમે મહેલ માં ગયા સાસુ તેને લઈને ભાગી. કટપ્પાએ તેમને તિર માર્યું. અને શ્રીદેવી અદ્રશ્ય થઇ ગઈ.” ” પણ કટપ્પા શ્રીદેવી ને તિર શુ કામ મારે?” પેલા લોકોની આંખ માં સવાલો ઉદ્ભવ્યા. ” એ આપણે સસ્પેન્સ રાખીશું. પણ આ સવાલ બાહુબલી પૂછશે. જેમાં બંને સ્ત્રીઓ વચ્ચે ઝગડો થશે અને બાહુબલીની પાઘડી નીચે પડી જશે. ત્યાં પાછળ થી હા હા હા હા હા … અવાજ આવશે અને બાહુબલી-૩ ની માં આવશે. એ કહેશે કે ” ઇસ બાર આપ ગલત હે. આ મારી જ છોકરી છે.” બાહુબલી ને નેત્રા દેવી ની પૂજા માટે મોકલાય છે. બે પર્વત વચ્ચે એક આંખ દેખાતી હોય છે જે મંદિર હોય છે. અચાનક પેલા જંગલી લોકો આવે છે અને ભીંસણ યુદ્ધ થાય છે. ત્રણેય પેઢી ની સ્ત્રીઓ ભેગી થઇ ને યુદ્ધ લડે છે . પેલા ચકરડી વાળા રથ નો આપણે ઉપયોગ કરીશું. નાના છોકરાવ ને બહુ મજા પડશે.” મારી આ વાત પર બધા જ સહેમત હતા.
“આપણી બાહુબલી ના હાથ ના મેકઅપ માટે આપણે મિસ્ટર ખાન ને પૂછી લઈશું. બાહુબલી ના બાવડાં જોઈને પેલો કબિલાનો છોકરો પ્રભાવિત થાય છે પણ અચાનક દોરડા પરથી હાથ છૂટી જતા બાહુબલી ની પાઘડી ખુલી જાય છે. તેના વાળ ચહેરા પર લહેરાય છે. હીરો નિશાસા નાખે છે. કારણ કે તેણે મિત્ર ના બદલે પ્રેમિકા ને જોઈ હોયછે. હિરોઈન તળેટી તરફ જતી રહી હોય છે. અચાનક પરદા પર પેલી બે આંખો દેખાય છે અને ગીત વાગે છે. પિક્ચર પતી જાય છે.” બધાએ મારી સામે જીણી આંખ કરી.” પેલી આંખો કોની હતી? શ્રીદેવી નું કામ શું હતું? બંને બાહુબલી નું શું થયું? કેટલા બધા સવાલો ના જવાબ નથી મળતા.” મેં કોફી ની છેલ્લી ચુસ્કી મારી. મારી આંખો માં તોફાન આવ્યું.” બાહુબલી-૧ માં એક સવાલ નો જવાબ ના મળ્યો તો બાહુબલી-૨ ને દોઢ હજાર કરોડ નો વકરો થયો. બાહુબલી -૨ માં આવો કોઈ સવાલ બાકી નથી. જો ત્રણ ચાર સવાલ ના જવાબ નહિ મળે તો બાહુબલી-૪ નો વકરો વિચારી જુઓ. મને હતું કે હવે બિલ તો મારે જ આપવું પડશે. પણ બધાની આંખો માં અહોભાવ આવ્યો. મને ભેટી ને કહ્યું,” આપણે એક સિરિયલ બનાવીએ તો કેવું? તમે પહોંચી વળશો!”
-વિશ્વા રાવલ

TejGujarati
  • 7
  •  
  •  
  •  
  •  
  •  
    7
    Shares
  • 7
    Shares

Leave a Reply

Your email address will not be published. Required fields are marked *