૧૦ મોટા કારણો, જે દર્શાવે છે કે શા માટે મોદી ફરી એકવાર જીત તરફ અગ્રેસર છે. – કેડીભટ્ટ.

આંતરરાષ્ટ્રીય કલા સાહિત્ય ગુજરાત ભારત સમાચાર

ચૂંટણી આયોગ દ્વારા લોકસભા ની ચૂંટણીઓની તારીખો જાહેર કરી દેવામાં આવે છે સાથે જ આ જંગની શરૂઆત થઈ ચૂકી છે. ચૂંટણીઓ એક મેરેથોન દોડ ની સાથે એક લાંબી વિઘ્નદોડ પણ હોય છે જેમાં ઘણા અવરોધ અને ચઢાવ ઉતાર આવે છે. એટલે દોડની શરૂઆત માં અનુમાન લગાવવું ઘાતક સાબિત થઈ શકે છે. છતાં પણ તમને એવા 10 કારણો બતાવીએ છીએ જેના પરથી લાગી રહ્યું છે કે હાલ તો મોદી સૌથી આગળ દેખાઈ રહ્યા છે.

આજની ચૂંટણીઓ મની, મશીન અને મીડિયાની છે : આજકાલની ચૂંટણીઓ મને મશીન અને મીડિયાની છે અને તેમ મોદી આમાં ખૂબ જ આગળ છે. ભારતીય ચુંટણીઓના ઇતિહાસમાં ક્યારેય પણ મીડિયા ના વિચારો આવી રીતે એક તરફી નથી રહ્યા. સત્તાધારી પાર્ટી પાસે ખૂબ જ ધનનું બળ છે અને બધા જ ફોર્મ પર મતદારો સાથે જોડાવાની પાર્ટી પાસે આયોજન છે. એટલે ભાજપ જ્યાં એક ચળકાટ ધરાવતી સારી રીતે તૈયાર એવી ફરારી જેવી છે તો તેની તુલનામાં કોંગ્રેસ એક સેકન્ડ હેન્ડ જૂના જમાનાની એમ્બેસેડર જેવી દેખાઈ રહી છે. એમાં કોઇ આશ્ચર્યની વાત નથી કે ભાજપ પોતાના પ્રતિસ્પર્ધિઓના મુકાબલામાં અનેક ગણો ખર્ચ કરી ચૂકી છે.

હજુ પણ નેતા નંબર વન છે મોદી : હજુ પણ મોદી નંબર વન નેતા સાબિત થઈ ચૂક્યા છે. “મોદી હે તો મુમકિન હૈ” ના નારા સાથે બીજેપી અને સરકારને એક કરિશ્માઇ નેતૃત્વ મળ્યું છે. વખાણોની ગુંજ ચીયરલીડર્સ જેવી વિશાળ સેનાને લીધી અનેક ગણી વધી જાય છે અને લોકોમાં હાઇપ બની રહે છે. આ 70 ના દશકમાં અમિતાભ બચ્ચનની મુવી જેવો મામલો છે જેમાં ખરાબ પટકથા પણ ફિલ્મોને બમ્પર ઓપનિંગ આપતા રોકી શકતી ન હતી.

અમિત શાહની ઇલેક્શન એન્જિનિયરિંગ : પીએમ મોદી અને બીજેપી ને અમિત શાહ ને ઇલેક્શન એન્જિનિયરિંગનો લાભ મળી રહ્યો છે. વર્ષ 2014માં અમિત શાહ ઉત્તર પ્રદેશના ઇન્ચાર્જ હતા અને રાજ્યમાં બીજેપીને જબરદસ્ત સફળતા મળી હતી. હાલ 2019માં પાર્ટી ના અધ્યક્ષના રૂપમાં તેઓ હવે પૂરા દેશમાં ભાજપના ઇન્ચાર્જ છે. જોકે અમિત શાહના નેતૃત્વમાં ભાજપને 2015માં દિલ્હી અને બિહારમાં ખૂબ જ મોટી હાર મળી ચૂકી છે. પરંતુ સંસાધનોથી સજ્જ અને નિર્દયી અમિત શાહ સામ-દામ-દંડ-ભેદ ના મૂર્તિરૂપી છે.

કોંગ્રેસની ખરાબ હાલત : કોંગ્રેસ અધ્યક્ષ રાહુલ ગાંધી રહસ્યોમાં લપેટાયેલા એક ઉખાણું બનેલ છે. વર્ષ 2017માં ગુજરાતની લડાઈ અને ડિસેમ્બર 2018માં વિધાનસભા ચૂંટણીઓમાં તેમને એક ઉત્તમ પ્રચારક ના રૂપમાં સન્માન જરૂર મળ્યું હતું પરંતુ તેમણે હજુ સુધી એવું કોઈ સંગઠનાત્મક તથા માનવ પ્રબંધન કૌશલ અથવા તો પ્રખર રાજનૈતિક નાં નથી બતાવ્યું.

મહાગઠબંધનની ગૂંચવણ : વિપક્ષ હજુ પણ એકસાથે ન્યૂનતમ કાર્યક્રમ અથવા તો એક સાથે મંચ પર હુમલો કરવા માટે તૈયાર નથી, જે મોદી વિરોધ થી આગળ નીકળી શકે અથવા તો એવા કોઈ સામૂહિક નેતૃત્વની ઓળખાણ કરી શકે જે “મોદી વિરુદ્ધ કોણ” જેવા શબ્દને પડકાર આપી શકે. કોંગ્રેસે એ વિચારવાનું રહેશે કે આ ચૂંટણી પોતાના પક્ષને આગળ લઇ જવા માટે છે કે દેશભરમાંથી ભાજપને ઘટાડવા માટે છે?

આંકડોના હિસાબથી ભાજપ મજબૂત : વર્ષ 2014માં ઉત્તર અને પશ્ચિમ ભારતમાં ભાજપને લગભગ 90 ટકા સીટો પર જીત મળી હતી. આ પ્રકારનું પ્રદર્શન તો આ વખતે તો શક્ય નથી લાગતું પરંતુ ભાજપ આ વખતે પણ આ વિસ્તારોમાં પોતાના વિરોધીઓના મુકાબલે ૭૫ થી ૧૦૦ વધારે મેળવી શકે છે. એ ના ભૂલવું જોઈએ કે 2014ની ચૂંટણીમાં ભાજપે 42 લોકસભાની સીટો પર ત્રણ લાખથી વધારે મતથી, ૭૫ સીટ પર બે લાખથી વધારે મતથી અને ૩૮ સીટ પર ૧.૫ લાખથી વધારે મતોથી જીત મેળવી હતી. તો ભાજપને આ વખતે પણ સૌથી મોટું રાજનૈતિક દળ બનવાથી રોકવા માટે તેમના વિપરીત ભારે લોકપ્રિયતા હોવી જરૂરી છે. ભાજપને 200થી વધારે સીટો મળે છે તો એનડીએની સરકાર ફરીથી બની શકે છે.

ઉત્તર પ્રદેશ જેવું મહત્વપૂર્ણ રાજ્ય : ઉત્તરપ્રદેશમાં સપા બસપા ગઠબંધનને લઇને વિપક્ષમાં ભારે ચર્ચાઓ છે અને ઉત્સાહ પણ છે તેવી જ રીતે પ્રિયંકા ગાંધીના ઔપચારિક રીતે રાજનીતિમાં સામેલ થવાની પણ ચર્ચાઓ જરૂર છે. એ જોવું ખાસ જરૂર છે કે યાદવના મતદારો આસાનીથી બસપા તરફ જશે? ‌ કેવી રીતે જ પ્રિયંકા ગાંધીના રાજનીતિમાં આવવાથી કોઇ ખાસ અસર દેખાતી નથી. બીજી તરફ ભાજપે ઉત્તર પ્રદેશમાં ખૂબ જ મહેનત કરેલ છે. રાજ્યમાં ભાજપ જો 2014 ના મુકાબલે અડધી સીટો ઉપર પણ પોતાની જીત હાંસલ કરે છે તો મોદી સરકારને ફરીથી આવવા માટે કોઈ નહીં રોકી શકે. તો તેમના માટે દિલ્હી નો રસ્તો લગભગ નિશ્ચિત માનવામાં આવે છે.

પુલવામા, પાકિસ્તાન, બાલાકોટ એરસ્ટ્રાઇક : જયશ્રીરામ થી લઈને ભારત માતાની જય સુધી, બાબર ની ઓલાદ થી પાકિસ્તાની જેહાદ સુધી, ભગવાધારી સાધુ-સંતો થી લઈને સેનાની ધારણ કરવાવાળા સુધી, મોદી સરકાર બોલવામાં અને બાલાકોટ ના એજન્ડાને આગળ વધારી રહી છે. આ બાબત આક્રમક રાજનીતિ માટે બ્રાન્ડ બની શકે છે. આ બાબત ગ્રામ્ય વિસ્તારોમાં સીમિત અસર બતાવશે પરંતુ શહેરી વિસ્તારોમાં અને મહત્વપૂર્ણ વિસ્તારોમાં આ એજન્ડા ઘણો બદલાવ લાવી શકે છે.

હિન્દુત્વ વાળા નવા મતદારો : ચુંટણી આયોગ અનુસાર દેશમાં 8.4 કરોડ લોકો આ વખતે પહેલી વખત મતદાન કરવા જઈ રહ્યા છે. જે કુલ મતદારો ના લગભગ 10 ટકા થાય છે. આ એવા મતદારો છે જેના મગજમાં બાબરી મસ્જિદ પડવું તથા 2002ના ગુજરાત ના દંગલો ની કોઈ સ્મૃતિ નથી. આ એ યુવા જનસંખ્યા છે જે મોદીના “ન્યૂ ઇન્ડિયા”, “મજબૂત સરકાર” તથા “હાઉ ઈજ ધ જોશ” જેવા નારાઓ થી પ્રભાવિત છે. આ યુવાઓને બસ એક જ વાત પ્રભાવિત કરે છે કે “આતંકવાદ પર સખ્ત નીતિ હોવી જોઈએ.”

શરતો લાગુ : અહીંયા અમે 2004ના ચૂંટણી પહેલા બનેલ માહોલ નો ઉલ્લેખ કરવા માંગીશું. આજના માહોલની જેમ ત્યારે પણ બધાને એવું જ લાગતું હતું કે અટલજી સિવાય કોઈપણ પ્રધાનમંત્રી નહીં બની શકે. તેમનું ફરીથી પ્રધાનમંત્રી તરીકે પસંદ થવું મોદી કરતાં પણ વધારે પ્રબળ લાગતું હતું. પરંતુ તેઓ હારી ગયા, કેમકે દક્ષિણા બે રાજ્યો તામિલનાડુ અને આંધ્ર પ્રદેશ ના તેમના સહયોગીઓ છટકી ગયા હતા અને ઉત્તર પ્રદેશ શાઇનિંગ ઇન્ડિયા ના નારાથી પ્રભાવિત થયું ન હતું. એટલે આ કારણથી જ ભારતના મતદાતાઓનો વ્યવહાર થોડો થોડો લન્ડન ના મોસમ જેવો છે જે હંમેશા બદલાતો રહે છે.

Related Post

TejGujarati
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *